شاھار باسشىسى ازىمبەك پازىلبەكۇلىنىڭ توراعالىعىمەن قالا قۇرىلىسى كەڭەسىنىڭ كەزەكتى ءماجىلىسى ءوتتى. ماجىلىسكە قالا اكىمىنىڭ ساۋلەت، قالا قۇرىلىسى جانە قۇرىلىس ماسەلەلەرىنە جەتەكشىلىك ەتەتىن ورىنباسارى بايدۋللا ورازبەكوۆ، سونداي-اق تۇركىستان قالاسى مەن وبلىسىنىڭ جاۋاپتى باسقارما، ءبولىم باسشىلارى، ساۋلەتشىلەر، جوبالاۋشى ۇيىمدار مەن ينۆەستورلار قاتىستى.
ماجىلىستە قالا اۋماعىنداعى قۇرىلىس جانە ساۋلەت جوبالارىنا قاتىستى 12 وزەكتى ماسەلە تالقىلاندى. اتاپ ايتقاندا، №29 جانە №30 بلوكتاردا بوي كوتەرەتىن 5 قاباتتى تۇرعىن ءۇي كەشەندەرى، جاڭا ساۋدا ورتالىعى، «التىن ءدام» ناۋبايحاناسى، تاعى ءبىر تۇرعىن ءۇي كەشەنى مەن قوناق ءۇي قۇرىلىسى، بالالار ويىن-ساۋىق ورتالىعىنىڭ جوباسى، سونداي-اق KFC برەندىنە ارنالعان جارناما كونسترۋكتسياسىن ورناتۋ ماسەلەسى تالقىلاندى.
سونىمەن قاتار، قازاق حاندارى مەن تۇركى ويشىلدارىنا ارنالعان ساياباق جوباسى، الەۋمەتتىك دۇكەنگە قاتىستى ۇسىنىس جانە ج.مايكوتوۆ، قالا بي، و.جارىلقاپوۆ كوشەلەرىنىڭ بويىن اباتتاندىرۋ جۇمىستارى كەڭەس مۇشەلەرىنىڭ نازارىندا بولدى.
ءماجىلىس قورىتىندىسى بويىنشا ناقتى شەشىمدەر مەن ۇسىنىستار قابىلدانىپ، قاتىسۋشىلار تاراپىنان بىرقاتار پىكىرلەر مەن ۇسىنىستار تالقىلاندى. الداعى ۋاقىتتا قەڭەس قالا دامۋى مەن ساۋلەتتىك كەلبەتىن ۇيلەسىمدى ەتۋ ماقساتىندا ءوز جۇمىسىن قارقىندى جالعاستىرماق.
ۇقساس جاڭالىقتار
