بۇگىن تۇركىستان قالاسىنىڭ اكىمى ازىمبەك پازىلبەكۇلى قالا اۋماعىندا جۇزەگە اسىپ جاتقان قۇرىلىس جانە اباتتاندىرۋ جۇمىستارىنىڭ بارىسىمەن تانىستى. نىسانداردى ارالاۋ بارىسىندا ول بىرقاتار كوپقاباتتى تۇرعىن ۇيلەر، الەۋمەتتىك ماڭىزى بار نىساندار مەن ينفراقۇرىلىم باعىتىنداعى جوبالاردىڭ جاي-كۇيىمەن تانىستى.
ارالاۋ كەزىندە قالا اكىمى قۇرىلىس الاڭدارىندا مونيتورينگ جۇرگىزىپ، جۇمىس ساپاسىن تەكسەردى. سونىمەن قاتار، اتقارىلىپ جاتقان جۇمىستاردىڭ مەرزىمدى ءارى ساپالى ورىندالۋىن قاداعالاۋ ماقساتىندا مەردىگەر مەكەمەلەرگە ناقتى تاپسىرمالار بەرىلدى.
ازىمبەك پازىلبەكۇلى تۇرعىن ۇيلەردىڭ اۋلاسىنداعى بالالار ويىن الاڭشالارىن ارالاپ، ولاردىڭ قاۋىپسىزدىگى مەن ساپاسىنا قاتىستى سىن-ەسكەرتپەلەر ايتتى. ءتيىستى بولىمدەرگە بۇل باعىتتاعى جۇمىستى جەتىلدىرۋ قاجەتتىگىن تاپسىردى.
قالالىق قۇرىلىس ءبولىمى تاپسىرىس بەرۋشى بولىپ تابىلاتىن 9, 11 جانە 32-كوشەلەر بويىندا ەگىلگەن اعاشتاردىڭ كۇتىمىنە دە نازار اۋدارىلدى. جاسىل جەلەكتەردىڭ جاي-كۇيىنە بايلانىستى مەردىگەر ۇيىم – «BI Group» كومپانياسىنا بىرقاتار ەسكەرتپەلەر بەرىلىپ، ولاردى بەلگىلەنگەن مەرزىمدە رەتكە كەلتىرۋ جونىندە ناقتى تاپسىرمالار جۇكتەدى.
كەلەسى كەزەكتە قالا اكىمى اكىمشىلىك-ىسكەرلىك ورتالىقتا ورنالاسقان مەشىتتىڭ اباتتاندىرۋ جوباسىمەن تانىستى. جالپى اۋماعى 4,2 گەكتاردى قۇرايتىن نىساننىڭ قۇرىلىس الاڭى – 1 286,08 شارشى مەتردى قامتيدى. قازىرگى تاڭدا قۇرىلىس جۇمىستارىنىڭ 85 پايىزى اياقتالعان. اكىم جوبانىڭ ساپالى ءارى تولىق اياقتالۋىن قامتاماسىز ەتۋدى تاپسىردى.
ۇقساس جاڭالىقتار
