Bügın Türkıstan qalasynyŋ äkımı Äzımbek Pazylbekūly qala aumaǧynda jüzege asyp jatqan qūrylys jäne abattandyru jūmystarynyŋ barysymen tanysty. Nysandardy aralau barysynda ol bırqatar köpqabatty tūrǧyn üiler, äleumettık maŋyzy bar nysandar men infraqūrylym baǧytyndaǧy jobalardyŋ jai-küiımen tanysty.
Aralau kezınde qala äkımı qūrylys alaŋdarynda monitoring jürgızıp, jūmys sapasyn tekserdı. Sonymen qatar, atqarylyp jatqan jūmystardyŋ merzımdı ärı sapaly oryndaluyn qadaǧalau maqsatynda merdıger mekemelerge naqty tapsyrmalar berıldı.
Äzımbek Pazylbekūly tūrǧyn üilerdıŋ aulasyndaǧy balalar oiyn alaŋşalaryn aralap, olardyŋ qauıpsızdıgı men sapasyna qatysty syn-eskertpeler aitty. Tiıstı bölımderge būl baǧyttaǧy jūmysty jetıldıru qajettıgın tapsyrdy.
Qalalyq qūrylys bölımı tapsyrys beruşı bolyp tabylatyn 9, 11 jäne 32-köşeler boiynda egılgen aǧaştardyŋ kütımıne de nazar audaryldy. Jasyl jelekterdıŋ jai-küiıne bailanysty merdıger ūiym – «BI Group» kompaniiasyna bırqatar eskertpeler berılıp, olardy belgılengen merzımde retke keltıru jönınde naqty tapsyrmalar jüktedı.
Kelesı kezekte qala äkımı Äkımşılık-ıskerlık ortalyqta ornalasqan meşıttıŋ abattandyru jobasymen tanysty. Jalpy aumaǧy 4,2 gektardy qūraityn nysannyŋ qūrylys alaŋy – 1 286,08 şarşy metrdı qamtidy. Qazırgı taŋda qūrylys jūmystarynyŋ 85 paiyzy aiaqtalǧan. Äkım jobanyŋ sapaly ärı tolyq aiaqtaluyn qamtamasyz etudı tapsyrdy.
Ūqsas jaŋalyqtar
