اقتاۋداعى «قورقىت اتا» حالىقارالىق كينوفەستيۆالىنە بەلگىلى اكتەر بۋراك ءوزچيۆيت كەلدى, دەپ حابارلايدى «ادىرنا» ءتىلشىسى.
تۇرىك ءارتىسى 1 قازاندا قىزىل كىلەمنەن ءجۇرىپ ءوتتى. سالتاناتتى ءراسىم «دوستىق ءۇيىنىڭ» الدىنداعى الاڭدا ءوتتى.
بۇگىن، 2 قازاندا بۋراك وزچيۆيتپەن كەزدەسۋ جوسپارلانىپ وتىر. وعان اككرەديتاتسيادان وتكەن 200 جانكۇيەر عانا قاتىسا الادى.
بۋراك ءوزچيۆيت «ۇلى دالا: وسماندار»، «عالامات عاسىر»، «بوزتورعاي» سەكىلدى جوبالاردا باستى رولدەردە ويناعان.
ايتا كەتەيىك، اقتاۋدا ءوتىپ جاتقان شاراعا تۇركيا، ماجارستان، ازەربايجان، وزبەكستان، قىرعىزستان مەن تۇرىكمەنستان ەلدەرىنەن، سونداي-اق قازاقستاننىڭ رەجيسسەرلارى مەن اتاقتى اكتەرلارى قاتىسىپ جاتىر. فەستيۆال اياسىندا تۇركى ەلدەرى فيلمدەرى كورسەتىلىپ، كينەماتوگرافيالىق سامميت، كينو سالاسىنىڭ مايتالماندارىمەن شىعارماشىلىق كەزدەسۋلەر جانە ايماقتىڭ كورىكتى جەرلەرىنە ساپار ۇيىمداستىرىلادى.
