فرانتسيانىڭ نانت قالاسىندا وتكەن حالىقارالىق Univerciné à l'Est 2026 كينوفەستيۆالىندە ء«ابىل» ءفيلمى توپ جاردى. بۇل تۋرالى باستى ءرولدى سومداعان اكتەر، ونەرتانۋشى ەرلان تولەۋتاي ايتتى، دەپ حابارلايدى «ادىرنا» ءتىلشىسى.
ء«ابىل» ءفيلمى فەستيۆال جەڭىمپازى اتانىپ، قوس بىردەي جۇلدەگە يە بولدى. ونىڭ ءبىرىنشىسى - باس جۇلدە، Prix du Jury, ەكىنشىسى - Prix du Public Univerciné à l’Est 2026 سىيلىقتارى. بارشاڭىزدى قازاق كينوسىنىڭ حالىقارالىق جەڭىسىمەن قۇتتىقتايمىن! ورتاق قۋانىش قۇتتى بولسىن، اعايىن!»– دەدى ول.
بۇعان دەيىن ء«ابىل» تولىقمەتراجدى كوركەم ءفيلمىنىڭ قويۋشى-وپەراتورى يولانتا دىلەۆسكا مەن اكتەر ەرلان تولەۋتاي 24-ءى Dhaka International Film Festival-دە "ۇزدىك قويۋشى-وپەراتور" جانە"ۇزدىك اكتەر" جۇلدەلەرىنە يە بولعان ەدى.
ايتا كەتەيىك، فيلم كەڭەس وداعى قۇلاپ، كولحوز-سوۆحوز تاراپ، مال-مۇلىك بولىسكە ءتۇسىپ، ەلدە پريۆاتيزاتسيا ورىن العان كەزەڭدەگى قياناتقا ۇشىراعان قاراپايىم ادامدار مەن قاراۋسىز قالعان قازاق اۋىلىنداعى بەيبەرەكەتسىزدىكتى سۋرەتتەيدى. سول ارقىلى كينوتۋىندى تاۋەلسىزدىك باسىنداعى كۇردەلى ۋاقىت اياسىنداعى قازاق حالقىنىڭ رۋحاني كەيپىنە، پسيحولوگيالىق كۇيىنە الەۋمەتتىك تالداۋ جاسايدى. فيلمدە كەڭەستىك جۇيە كەزىندەگى ادام ءومىرىنىڭ قۇنسىزدىعى، قازاق حالقىنىڭ باستان كەشكەن جاعدايى، تۇرمىس قالپى، ءوز ەلىندە، ءوز جەرىندە ديسكريميناتسياعا تۇسكەندىگى، سوتسياليزمنەن كاپيتاليزمگە اۋىسۋ تۇسىنداعى ەكىۇداي سەزىم، سونىمەن قاتار جەمقورلىقتىڭ پايدا بولۋى جايلى دا وي قوزعايدى.
