اقتوبە وڭىرىندە موڭكە ءبيدىڭ 350 جىلدىق مەرەيتويىنا وراي, ۇلتتىق مۇرانى ساقتاۋ مەن دارىپتەۋگە باعىتتالعان اۋقىمدى مادەني، عىلىمي جانە سپورتتىق ءىس-شارالار ۇيىمداستىرىلدى.
اتاپ ايتقاندا، موڭكە ءبيدىڭ ءومىرى مەن مۇراسىنا ارنالعان «موڭكە بي» تاريحي دراماسى، حالىقارالىق عىلىمي-تاجىريبەلىك كونفەرەنتسيا، ۇلتتىق سپورتتىق ويىندار، جىر ءمۇشايرا بايقاۋلارى، ۇلت اسپاپتار وركەسترىنىڭ كەڭ كولەمدەگى كونتسەرتى كورەرمەن نازارىنا ۇسىنىلدى. 60 اق شاڭقان كيىز ۇيلەردەن جاساقتالعان ەتنواۋىل 20 مىڭنان اسا قالا تۇرعىندارى مەن وڭىرگە كەلگەن قوناقتاردى قابىلدادى.
ءىس-شارالارعا قازاقستان مەن شەتەلدەن عىلىم، مادەنيەت جانە قوعام قايراتكەرلەرى، ساراپشىلار شاقىرىلعان.
ەسكەرتكىشكە گۇل شوقتارىن قويۋ راسىمىنە وبلىس اكىمى اسحات شاحاروۆپەن قاتار تويعا ارنايى كەلگەن مەيماندار دا قاتىستى.
سودان سوڭ، مەرەيتويلىق شارا ونەر ورتالىعىندا جالعاستى. مۇندا «مىڭجىلدىقتى بولجاعان موڭكە بي» عىلىمي-تاجىريبەلىك كونفەرەنتسيا ءوتتى.
«مەملەكەت باسشىسى قاسىم-جومارت توقاەۆ ۇلتتىق قۇرىلتاي وتىرىسىندا: ء«بىزدىڭ كورنەكتى تاريحي تۇلعالارىمىز ۇلىقتاۋعا ابدەن لايىق. ولاردىڭ ەسىمىن ەل جادىندا ساقتاۋ – پەرزەنتتىك پارىزىمىز ءارى جالپىۇلتتىق بولمىسىمىزعا ءتان قاسيەت»، – دەپ اتاپ وتكەن بولاتىن. جەتى جاسىنان تۋرا بيلىك ايتىپ، تىڭداعاندى ۇيىتقان موڭكە بي – مەملەكەت باسشىسى اتاپ وتكەن كورنەكتى تاريحي تۇلعالار قاتارىندا.
موڭكە تىلەۋۇلى – ءوز ءداۋىرىنىڭ عانا ەمەس، كەلەر ۇرپاقتىڭ دا كەمەڭگەرىنە اينالعان تۇلعا.
بابا وسيەتى حالقىمىزدىڭ بىرلىگىن نىعايتىپ، جاس ۇرپاقتىڭ جارقىن كەلەشەگىنە قىزمەت ەتە بەرۋىنە تىلەكتەستىك بىلدىرەمىن»، – دەپ اتاپ ءوتتى وبلىس اكىمءى اسحات شاحاروۆ قۇتتىقتاۋ سوزىندە.
ال اقتوبەنىڭ اقشات تۇرعىن الابىندا قۇرىلعان ەتنواۋىلدا 60 كيىز ءۇي تىگىلدى. شارانىڭ رەسمي اشىلۋى ا.جۇبانوۆ اتىنداعى قازاق ۇلت اسپاپتار وركەسترىنىڭ ورىنداۋىنداعى موڭكە ءبيدىڭ «قيقۋ داۋرەن» كۇيىمەن باستالدى. ءوڭىر باسشىسى اسحات شاحاروۆ قۇتتىقتاۋ ءسوز سويلەپ، قوناقتارمەن بىرگە ەتنواۋىلدى ارالادى.
20 مىڭنان اسا قوناق ۇلتتىق تاعامداردان ءدام تاتىپ، قولونەر شەبەرلەرىنىڭ كورمەسىن تاماشالاپ، قازاقى سالت-ءداستۇردىڭ كورىنىستەرىنە كۋا بولدى.
موڭكە ءبيدىڭ 350 جىلدىعى تەك ءوڭىر تۇرعىندارى ءۇشىن ەمەس، بۇكىل ەل ءۇشىن ماڭىزدى وقيعاعا اينالىپ، قازاق حالقىنىڭ رۋحاني مۇراسىن، تاريحي جادى مەن مادەني بولمىسىن ساقتاۋدىڭ ماڭىزدىلىعىن ايقىنداپ وتىر.
