7 تامىز كۇنى، اقتوبە وبلىسى، سامارا-شىمكەنت اۆتوجولىنىڭ 862-شاقىرىمىندا جول-كولىك اپاتى ورىن الدى. سالدارىنان 8 ادام قازا بولدى، دەپ حابارلايدى “ادىرنا” ۇلتتىق پورتالى.
اپات سالدارىنان 8 ادام مەرت بولدى، ونىڭ بەسەۋى – بالا.
جول-كولىك وقيعاسى بولعان جەردە تەرگەۋ ءىس-شارالارى جالعاسۋدا.
«ايتەكە بي اۋدانى قۇمقۇدىق اۋىلىنداعى مەكتەپتە وقيتىن وقۋشىلار جەكە قايىرىمدىلىق قور ۇيىمداستىرعان فۋتبول تۋرنيرىنە قاتىسۋ ءۇشىن ماڭعىستاۋ وبلىسىنا جولعا شىققان. بۇل تۋرنير ءبىلىم نەمەسە سپورت باسقارماسىنىڭ كەستەسىندە جوق. الايدا اتا-انالار سەنىمحات جازىپ بەرگەن. سونىڭ نەگىزىندە جانە كەيبىر اتا-انالار بالالارىنىڭ قاسىندا، جاتتىقتىرۋشىسىمەن بىرگە پوليتسيانىڭ سۇيەمەلدەۋىنسىز ساپارعا اتتانعان. ياعني، بالالاردى تاسىمالداۋ ەرەجەسى ساقتالماعان. ەڭ الدىمەن قازا بولعان بالالاردىڭ اتا-انالارىنا، تۋما-تۋىستارىنا قايعىرىپ كوڭىل ايتامىز»، - دەپ مالىمدەدى پد.
