اقتوبەلىكتەر سپورتشىلارىن ۇلكەن سىي-قۇرمەتپەن قارسى الدى

1968
Adyrna.kz Telegram
وبلىس اكىمى وڭداسىن ورازالين توكيودا وتكەن جازعى وليمپيادا ويىندارىنان ورالعان اقتوبەلىك سپورتشىلارمەن جانە ولاردىڭ جاتتىقتىرۋشىلارىمەن كەزدەستى دەپ حابارلايدى "ادىرنا" ۇلتتىق پورتالى.
وليمپيادانىڭ قولا جۇلدەگەرى نۇريسلام ساناەۆقا ءوڭىر باسشىسى پاتەر كىلتىن سىيلادى. وليمپيادا ويىندارىنا قاتىسقان بالۋان مەيرامبەك ايناعۇلوۆقا، سۋدا ءجۇزۋشى ديانا نازاروۆاعا، سونىمەن قاتار، سپورتشىلاردىڭ جاتتىقتىرۋشىلارىنا ءوڭىر باسشىسى باعالى سىيلىقتار تابىستادى.
— سىزدەر - ەلىمىزدىڭ ماقتانىشىسىزدار. جاس ۇرپاققا سالاۋاتتى ءومىر سالتى مەن سپورتتى دارىپتەۋدە ۇلگى بولا وتىرا باعا جەتپەس ۇلەس قوساسىزدار. ادال ءارى ايانباي كۇرەسكەندەرىڭىز ءۇشىن، باتىلدىقتارىڭىز بەن وتانسۇيگىشتىكتەرىڭىزگە شىن جۇرەكتەن العىس ايتامىن،- دەدى سپورتشىلارعا زور دەنساۋلىق پەن جاڭا بەلەستەرگە جەتۋدى تىلەگەن وڭداسىن ورازالين.
وليمپياداعا قاتىسۋشىلار وبلىس باسشىلىعىنا كاسىبي سپورتتى قولداعانى ءۇشىن راحمەت ايتىپ، كەلەشەك جوسپارلارىمەن ءبولىستى.
— حالقىما قولداعانى ءۇشىن شەكسىز ريزامىن. اقتوبەگە كەلگەننەن كەيىن عانا، جەرلەستەرىمنىڭ قالاي قارسى العاندارىن كورىپ، وليمپيادا جۇلدەگەرى بولعانىمدى سەزىندىم. وتانداستارىمدى پاريجدە وتەتىن وليمپيادادا التىن القامەن قۋانتۋ ءۇشىن بۇدان دا كۇشتىرەك دايىندالاتىن بولامىن،- دەدى نۇريسلام ساناەۆ.
ايتا كەتەيىك، بالۋان يۋسۋپ باتىرمىرزاەۆ پەن كاراتەشى نۇرقانات اجىقانوۆ، سونىمەن قاتار توكيوداعى وليمپيادا ويىندارىندا اقتوبە وبلىسى اتىنان شىققان باسقا دا سپورتشىلار تۋعان جەرگە ەندى ورالادى.
سونىمەن بىرگە ءجۇزۋشى ۆيتالي حۋدياكوۆ ىستىق كول جانىندا ءوتىپ جاتقان وقۋ-جاتتىعۋ جيىنىنا كىرىسىپ تە كەتكەن.
"ادىرنا" ۇلتتىق پورتالى .
پىكىرلەر