اقتوبە پوليتسەيلەرى 30 جاستاعى جەرگىلىكتى تۇرعىننان 22 وراما ەسىرتكى زاتىن تاركىلەگەن. كۇدىكتى اق ۇنتاقتى Telegram الەۋمەتتىك جەلىسى ارقىلى تاۋىپ، ينتەرنەت-دۇكەننەن ساتىپ العانىن ايتقان، دەپ حابارلايدى "ادىرنا" ۇلتتىق پورتالى.
پوليتسيا بۇل جاعدايدى بىلايشا مالىمدەدى:
"ساراپتاما ناتيجەلەرى بويىنشا الىنعان زات جالپى سالماعى 16,40 گر بولاتىن ا-PVP ەكەنى انىقتالادى", – دەلىنگەن حابارلامادا.كۇدىكتىنىڭ تۇرعىلىقتى جەرى بويىنشا ءتىنتۋ جۇرگىزىلىپ، اقىرىندا پوليەتيلەن پاكەتكە ورالعان اق ۇنتاقتار تابىلدى.
"ول زات جالپى سالماعى 7,55 گر مەفەدرون ەكەنى انىقتالدى", - دەپ جازدى اقتوبە وبلىسى پوليتسيا دەپارتامەنتى.قر قك 297-بابى 3-بولىگى (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) بويىنشا سوتقا دەيىنگى تەرگەۋ جۇرگىزىلىپ جاتىر.
"ادىرنا" ۇلتتىق پورتالى
ۇقساس جاڭالىقتار
