ۇلىتاۋ وبلىسىندا ەلدى مەكەندەردى اباتتاندىرۋ، سانيتارلىق تازارتۋ جانە كوگالداندىرۋعا ارنالعان كۇزگى بىرايلىق اياسىندا جالپىوبلىستىق سەنبىلىك ءوتتى.
«تازا قازاقستان» رەسپۋبليكالىق اكتسياسىنا وڭىردەن 500-گە جۋىق ۇجىم تارتىلىپ، بارلىعى 7 مىڭنان استام ازامات تازالىق جۇمىستارىنا بەلسەنە اتسالىستى.
ءىس-شارا بارىسىندا 70-كە جۋىق ارنايى تەحنيكا جۇمىلدىرىلىپ، ناتيجەسىندە شامامەن 768 توننا قاتتى تۇرمىستىق قالدىق شىعارىلدى. سونداي-اق 313 گەكتار اۋماق تۇرمىستىق قالدىقتاردان تازارتىلىپ، 200-دەن استام اعاشقا سانيتارلىق قىرقۋ جاسالدى.
بۇل شارا وبلىستاعى ەلدى مەكەندەردىڭ تازالىعى مەن كوركەيتىلۋىنە ايتارلىقتاي ۇلەس قوسىپ، تۇرعىنداردىڭ ەكولوگيالىق مادەنيەتىن ارتتىرۋعا سەرپىن بەردى.
ۇقساس جاڭالىقتار
