پورتۋگاليا بۇۇ كونفەرەنتسياسىن كۇتپەستەن پالەستينا مەملەكەتىن مويىندايدى، دەپ حۆبارلايدى "ادىرنا" ۇلتتىق پورتالى.
پورتۋگاليا سىرتقى ىستەر مينيسترلىگىنىڭ مالىمدەۋىنشە، «رەسمي مويىنداۋ» دۇيسەنبى كۇنى نيۋ-يوركتە وتەتىن جوعارى دەڭگەيدەگى كونفەرەنتسياعا دەيىن جۇزەگە اسپاق.
بۇل مالىمدەمە جۇما كۇنى جاسالدى. بۇعان دەيىن ەليسەي سارايى پورتۋگاليا مەن فرانتسيانى قوسا العاندا ون ەل دۇيسەنبى كۇنى بۇۇ باس اسسامبلەياسى اياسىنداعى نيۋ-يوركتەگى كونفەرەنتسيادا پالەستينانى مويىندايتىنىن حابارلاعان ەدى.
«سىرتقى ىستەر مينيسترلىگى پورتۋگاليا پالەستينا مەملەكەتىن مويىندايتىنىن راستايدى. بۇل تۋرالى مينيستر پاۋلۋ رانجەل وسى اپتادا مالىمدەگەن بولاتىن. رەسمي مويىنداۋ تۋرالى مالىمدەمە 21 قىركۇيەكتە، كەلەسى اپتاداعى جوعارى دەڭگەيدەگى كونفەرەنتسيا الدىندا جاسالادى»، – دەلىنگەن ەلدىڭ ءسىم حابارلاماسىندا.
سونىمەن بىرگە پورتۋگال ۇكىمەتى فرانتسيانى دا قامتيتىن ون ەلدىڭ پالەستينا مەملەكەتىن بىرلەسىپ مويىندايتىنى جونىندەگى ەليسەي سارايىنىڭ اقپاراتىن راستادى.
