يزرايل ارمياسى گازا شەكاراسىنا جاقىن جەردە تۇراتىن بارلىق ازاماتتاردى ەۆاكۋاتسيالاۋ وپەراتسياسىن باستاماق، دەپ حابارلايدى "ادىرنا" ءتىلشىسى ntv.ru باسىلىمىنا سىلتەمە جاساپ.
يزرايل قورعانىس ارمياسى گازا سەكتورىنىڭ تۇرعىندارىن پالەستينا-يزرايل قاقتىعىسىنىڭ كۇشەيۋى سالدارىنان ۇيلەردەن كەتۋگە شاقىردى.
بۇل تۋرالى يزرايل قورعانىس ارمياسىنىڭ وكىلى اۆيچاي ادراي ءتيىستى مالىمدەمە جاسادى.
«ءسىزدىڭ قاۋىپسىزدىگىڭىز ءۇشىن ءسىز دەرەۋ تۇرعىلىقتى جەرىڭىزدى تاستاپ، كەتۋىڭىز كەرەك", - دەدى Times of Israel گازەتىنە.
سەنبى كۇنى تاڭەرتەڭ يزرايل گازا سەكتورىنان بۇرىن-سوڭدى بولماعان زىمىران شابۋىلىنا ۇشىرادى. يزرايل ارمياسىنىڭ ءباسپاسوز قىزمەتى 3 مىڭنان استام زىمىران ۇشىرىلعانىن ايتادى.
سونىمەن قاتار، ونداعان حاماس جاۋىنگەرلەرى ءيزرايلدىڭ وڭتۇستىگىندەگى شەكارالاس ايماقتارعا كىرگەنءى تۋرالى جازعان ەدىك.
ءيزرايلدىڭ سولتۇستىك اۋداندارىنان وق اتقانى ءۇشىن جاۋاپكەرشىلىكتى حەزبوللا ۇيىمى ءوز موينىنا الدى.
7 قازاندا يزرايل پرەمەر-ءمينيسترى بەنيامين نەتانياحۋ يزرايل مەن حاماس اراسىندا كەڭ اۋقىمدى سوعىس باستالعانىن جاريالادى.
Jerusalem Post گازەتى پالەستينا-يزرايل قاقتىعىسىنىڭ ءورشۋى كەزىندە يزرايلدە قازا تاپقاندار سانى 300-دەن اسىپ، 1,5 مىڭنان استام ادام زارداپ شەككەنىن حابارلاعان.
پالەستينا دەنساۋلىق ساقتاۋ مينيسترلىگىنىڭ سوڭعى مالىمەتتەرىنە سايكەس، ءيزرايلدىڭ گازا سەكتورىنا جاساعان سوققىلارىنان قازا تاپقاندار سانى 232-گە دەيىن وسسە، 1,7 مىڭعا جۋىق ادام زارداپ شەككەن.
