فوتو: شوحرۋح حايداروۆ / Gazeta
پالەستينا ازاماتتارىنىڭ وزبەكستانعا كەلگەن بالالارى مەملەكەتتىك بالاباقشالاردا تەگىن تاربيەلەنەتىن بولدى. بۇل تۋرالى رەسپۋبليكانىڭ پرەزيدەنتى قول قويعان جارلىقتا ايتىلعان، دەپ حابارلايدى “ادىرنا” ۇلتتىق پورتالى.
قۇجاتتا كورسەتىلگەندەي، ولاردىڭ اتا-انالارى 2028 جىلدىڭ 1 قاڭتارىنا دەيىن مەكتەپكە دەيىنگى ءبىلىم ءۇشىن اقى تولەمەيدى.
سونىمەن قاتار، پالەستينالىق بالالار «ينسون» الەۋمەتتىك قىزمەت كورسەتۋ ورتالىقتارى ارقىلى تۇرعىلىقتى جەرى بويىنشا مەملەكەتتىك مەكتەپتەر مەن بالاباقشالارعا كەزەكسىز قابىلداناتىن بولادى.
بۇدان بولەك، پالەستينالىق بالالار مەملەكەتتىك مەكتەپتەردە كاسىپتىك دايارلاۋ، اقپاراتتىق تەحنولوگيالار جانە جوعارى وقۋ ورىندارىنا تۇسۋگە دايىندىق باعىتتارى بويىنشا قوسىمشا ءبىلىمدى دە تەگىن الا الادى.
ۇقساس جاڭالىقتار
