14 قىركۇيەك كۇنى يسپانيا استاناسى مادريدتە پالەستينالىق تۋلارمەن شىققان دەمونسترانتتار La Vuelta كوپكۇندىك ۆەلوجارىسىنىڭ سوڭعى كەزەڭىن توقتاتتى، دەپ حابارلايدى "ادىرنا" ۇلتتىق پورتالى DW-گە سىلتەمە جاساپ.
بەلسەندىلەر گران-ۆيا كوشەسىندەگى قورشاۋدى بۇزىپ، جارىس جولىنا شىققان. پوليتسيا ولاردى تاراتۋ ءۇشىن كوز جاساۋراتاتىن گاز قولداندى. ۇيىمداستىرۋشىلار جاعداي شيەلەنىسە تۇسپەس ءۇشىن سپورتشىلار كەلمەي تۇرىپ-اق جارىستىڭ سوڭعى كەزەڭىن توقتاتۋعا ءماجبۇر بولدى.
دەمونسترانتتار بۇل حاباردى قۋانىشپەن قابىلداپ، «بۇل ۆۋەلتادا پالەستينا جەڭدى» دەپ ۇرانداتتى. سونىمەن قاتار «يزرايلگە بويكوت»، «بۇل سوعىس ەمەس، بۇل گەنوتسيد»، «كىناسىز بالالاردىڭ ولىمىنە جول جوق» دەگەن تالاپتار ايتتى.
نارازىلىق اكتسيالارى ءيزرايلدىڭ Israel-Premier Tech كومانداسىنىڭ جارىسقا قاتىسۋىنا قارسى باعىتتالعان.
