فوتو:depositphotos.com
كامچاتكا جاعالاۋىندا 7,2 بالدىق جەر سىلكىنىسى تىركەلدى. بۇل تۋرالى اگەنتتىك 1رەسەي عىلىم اكادەمياسىنىڭ بىرىڭعاي گەوفيزيكالىق قىزمەتى" فەدەرالدى عىلىمي-زەرتتەۋ ورتالىعىنىڭ فيليالىنىڭ اقپاراتىنا سىلتەمە جاساپ حابارلادى، دەپ حابارلايدى "ادىرنا".
"ۋاقىت (UTC): 2025-09-18 18:58:17 (استانا ۋاقىتى بويىنشا 23:58). ماگنيتۋداسى: 7.2. كوورديناتتارى: 53,38, 159,92°. تەرەڭدىگى: 123 كم", – دەلىنگەن حابارلامادا.
وندا كامچاتكا گۋبەرناتورى ۆلاديمير سولودوۆتىڭ تۇبەكتىڭ شىعىس جاعالاۋىندا تسۋنامي قاۋپى بار ەكەنى جانە جۇرتشىلىققا ەسكەرتۋ جاسالىپ جاتقانى تۇسىندىرىلەدى. بارلىق قىزمەتتەر جوعارى دايىندىق رەجيمىنە قويىلدى.
اقش-تىڭ ۇلتتىق مۇحيت جانە اتموسفەرالىق باسقارماسى (NOAA) دا تسۋنامي قاۋپى تۋرالى ەسكەرتۋ جاسادى.
"الدىن الا جەر سىلكىنىسىنىڭ پارامەترلەرى بويىنشا... قاۋىپتى تسۋنامي تولقىندارى جەر سىلكىنىسىنىڭ ەپيتسەنترىنەن 1000 شاقىرىمعا جاقىن جاعالاۋ سىزىعىندا بولۋى مۇمكىن", – دەلىنگەن تسۋنامي تۋرالى حابارلاۋ ورتالىعىنىڭ بيۋللەتەنىندە.
