1 قىركۇيەككە قاراعان ءتۇنى اۋعانستاننىڭ سولتۇستىك-شىعىسىنداعى كونار پروۆينتسياسىندا ماگنيتۋداسى 6 باللدىق جەر سىلكىنىسى بولدى. ونىڭ سالدارىنان 800-دەن استام ادام قازا تاۋىپ، 2,5 مىڭنان استامى جارالاندى, دەپ حابارلايدى «ادىرنا» ءتىلشىسى Reuters-كە سىلتەمە جاساپ.
ءزىلزالا سوككاي، ۆاتاپۋر، مانوگي جانە چاپا-دارا اۋداندارىن دا قامتىعان. اگەنتتىك مالىمەتىنشە، بۇل اۋدانداردا شامامەن 500 ادام جاراقات العان.
شەنەۋنىكتەردىڭ ايتۋىنشا، قازا تاپقاندار مەن زارداپ شەككەندەردىڭ ناقتى سانى ءالى بەلگىسىز، الداعى ۋاقىتتا كورسەتكىش ارتۋى مۇمكىن. قازىرگى تاڭدا قاشىقتاعى ەلدى مەكەندەرمەن بايلانىس ورناتۋ جۇمىستارى ءجۇرىپ جاتىر.
اقش-تىڭ گەولوگيالىق قىزمەتىنىڭ (USGS) مالىمەتىنشە، نەگىزگى ەپيتسەنتر قۇنارداعى دجەلالاباد قالاسىنىڭ شىعىسىنان 27 شاقىرىم جەردە ورنالاسقان. جەراستى دۇمپۋلەرى شامامەن 8 كم تەرەڭدىكتە بولعان.
