جەتىسۋدا ماگنيتۋداسى 4,6 بولاتىن جەر سىلكىنىسى بولدى، دەپ حابارلايدى “ادىرنا” ۇلتتىق پورتالى وبلىستىق توتەنشە جاعدايلار دەپارتامەنتىنىڭ (تجد) ءباسپاسوز قىزمەتىنە سىلتەمە جاساپ.
“سەيسميكالىق ستانسالار جەلىسى 13 قاڭتاردا الماتى ۋاقىتى بويىنشا ساعات 22:08-دە جەر سىلكىنىسىن تىركەدى. جەر سىلكىنىسىنىڭ وشاعى الماتى قالاسىنان سولتۇستىك-شىعىسقا قاراي 230 شاقىرىم جەردە جەتىسۋ وڭىرىندە تەكەلى قالاسىنان 20 شاقىرىم جەردە تاۋلى ايماقتا ورنالاسقان. جەر سىلكىنىسىنىڭ ەنەرگەتيكالىق كلاسى – 9,7. ماگنيتۋداسى MPV 4,6”، - دەلىنگەن سەنبى كۇنى حاباردا.
جەر سىلكىنىسىنىڭ وشاعى 15 شاقىرىم تەرەڭدىكتە، تەكەلى قالاسىندا ماگنيتۋداسى 3 باللعا جەتكەن جەراستى دۇمپۋلەرى سەزىلدى.
“جەتىسۋ وبلىسىنىڭ توتەنشە جاعدايلار دەپارتامەنتىنەن، جەرگىلىكتى اتقارۋشى ورگانداردان، ىشكى ىستەر بولىمىنەن، كازسەلەزاششيتا، پروكۋراتۋرادان جانە باسقا دا ۇيىمداردان اقپارات كەلىپ تۇسكەن كەزدە سەنىپ تاپسىرىلعان اۋماقتارداعى جاعداي ناقتىلانۋدا، قيراۋ نەمەسە زارداپ شەككەندەر تۋرالى حابارلامالار تۇسكەن جوق”، - دەلىنگەن حابارلامادا.
”ادىرنا” ۇلتتىق پورتالى
