تۇركىستان وبلىسىندا دەسترۋكتيۆتى ءدىني اعىمنىڭ جاقتاستارى زاڭسىز قارۋ ساقتاعانى ءۇشىن ۇستالدى، دەپ حابارلايدى "ادىرنا" ۇلتتىق پورتالى.
بۇل تۋرالى وبلىستىق پروكۋراتۋراعا سىلتەمە جاساپ.
ءىىم-ءنىڭ «ر» باسقارماسى مەن پوليتسيا دەپارتامەنتىنىڭ ەكسترەميزمگە قارسى ءىس-قيمىل باسقارماسى جۇرگىزگەن جەدەل-ىزدەستىرۋ ءىس-شارالارى بارىسىندا كۇدىكتىلەردىڭ Toyota Land Cruiser 200 اۆتوكولىگىنەن قارۋ تابىلعان.
تەكسەرۋ كەزىندە 9 مم كاليبرلى «تت» ماركالى تاپانشا جانە 18*45 كاليبرلى «بايكال مر-461» قارۋى تاركىلەنىپ، ولاردىڭ وق اتۋعا جارامدى ەكەندىگى انىقتالدى.
قازىرگى ۋاقىتتا اتالعان قارۋلاردىڭ وزگە قىلمىستاردا قولدانىلعان-قولدانىلماعانىن انىقتاۋ ءۇشىن ساراپتاما تاعايىندالعان. سونىمەن قاتار، نەگىزگى فيگۋرانتتىڭ تۇرعىلىقتى جەرىنەن قر قك-ءنىڭ 432-بابى بويىنشا ىزدەۋدە جۇرگەن قىلمىسكەر دە قولعا ءتۇستى.
اتالعان دەرەك بويىنشا 2025 جىلعى 2 قىركۇيەكتە قر قك-ءنىڭ 287-بابىنىڭ 3-بولىگى («قارۋدى زاڭسىز ساقتاۋ») بويىنشا سوتقا دەيىنگى تەرگەپ-تەكسەرۋ باستالدى. كۇدىكتىلەر قاماۋعا الىندى.
