قر دەپۋتاتى اسحات ايماعامبەتوۆ جەلىدەگى پاراقشاسىندا مەكتەپتەردەگى ۇيالى تەلەفون ماسەلەسىن كوتەرىپ، ۇندىستانداعى زەرتتەۋدى جاريالادى، دەپ حابارلايدى "ادىرنا" ۇلتتىق پورتالى.
ول ءۇندىستاندا جۇرگىزىلگەن زەرتتەۋ ناتيجەلەرى The Economist جۋرنالىندا جاريالانىپ، مەكتەپتەردە ۇيالى تەلەفونداردى شەكتەۋدىڭ تيىمدىلىگىن كورسەتكەنى تۋرالى جازدى.
"بۇل –راندوميزاتسيالانعان (RCT) زەرتتەۋ: كەيبىر اۋديتوريالاردا تەلەفون قولدانۋعا تىيىم سالىنىپ، كەيىن وسى توپتاردىڭ وقۋ ۇلگەرىمى باقىلاۋ توبىمەن سالىستىرىلعان.
ناتيجەسىندە، اسىرەسە وقۋ ۇلگەرىمى تومەن ستۋدەنتتەردىڭ ءبىلىم ساپاسى ارتقانى بايقالعان. تاعى ءبىر قىزىعى- ءتىپتى نازاردى الاتىن فاكتورلاردىڭ از عانا قىسقارۋىنىڭ ءوزى “ورتاشا مۇعالىمدى” “وتە جاقسى مۇعالىممەن” اۋىستىرعانداي اسەر ەتكەنى انىقتالعان.
ۇقساس قورىتىندىلار نورۆەگيا مەن بريتانيادا دا تىركەلگەن.
بىزدە دە بۇل ماسەلە قىزۋ تالقىلانىپ جاتىر. بەلسەندى جانە باتىل مەكتەپ ديرەكتورلارى مۇنداي شەشىمدەردى ءوز بەتىنشە قابىلداپ جاتىر: مىسالى، نزم (نيش) مۇنداي قادامعا باردى. الايدا، كوپشىلىك مەكتەپ ديرەكتورلارى ءالى دە جاۋاپكەرشىلىكتى ءوز موينىنا الۋدان قورقادى", - دەپ جازدى ول.
ۇقساس جاڭالىقتار
