ماجىلىستە مەديتسينا سالاسىنداعى مامانداردىڭ قاۋىپسىزدىگىن ارتتىرۋ ماسەلەسى كوتەرىلدى، دەپ حابارلايدى «ادىرنا» ۇلتتىق پورتالى.
دەپۋتات قايرات بالابيەۆ دەنساۋلىق ساقتاۋ وكىلدەرىن جەكە «قورعالاتىن سۋبەكت» رەتىندە زاڭنامامەن ايقىنداۋدىڭ قانشالىقتى ورىندى ەكەنىن سۇراپ، ءتيىستى ساۋالدى اسحات ايماعامبەتوۆكە جولدادى.
«زاڭ جوباسىندا ارنايى سۋبەكت – مەديتسينا قىزمەتكەرى نەمەسە جەدەل جاردەم جۇرگىزۋشىسى رەتىندە ايقىندالىپ، قۇقىقبۇزۋشىلىقتىڭ جاڭا قۇرامى ەنگىزۋ ۇسىنىلادى. اسحات قاناتۇلىنىڭ بايانداماسىن ەسكەرسەك، بۇل قاجەت. الايدا بۇگىنگى كۇنى قوعامدا اگرەسسيا تەك دارىگەرلەرگە ەمەس، قوعامدىق كولىك جۇرگىزۋشىلەرىنە، ساۋدا ورىندارى مەن قوعامدىق تاماقتانۋ ورىندارى قىزمەتكەرلەرىنە دە باعىتتالىپ وتىر. مەديتسينا ماماندارىن جەكە ءپان رەتىندە ءبولىپ قاراستىرۋ قانشالىقتى ورىندى؟» – دەدى دەپۋتات.
دەپۋتاتتىق ساۋالعا جاۋاپ بەرگەن اسحات ايماعامبەتوۆ رەسمي ستاتيستيكاعا نازار اۋدارتتى.
«بۇگىنگى كۇنى 280 وقيعا تىركەلگەن. تىركەلمەگەندەرى بۇدان دا كوپ. باسقا ماماندىقتارمەن سالىستىرساق، بىزدە پروكۋرور، قۇقىق قورعاۋ ورگاندارى قىزمەتكەرلەرى سەكىلدى زاڭمەن قورعالاتىن سۋبەكتىلەر بار. ال مەديتسينا قىزمەتكەرلەرى — ەڭ كوپ شابۋىلعا ۇشىرايتىن ماماندار. كىتاپحاناشىلارمەن نەمەسە مۇعالىمدەرمەن سالىستىرايىق دەيدى. بۇگىنگى جاعدايدا ولارعا قاتىستى مۇنداي وقيعالار تىركەلىپ جاتقان جوق»، – دەدى ول.
دەپۋتات اسحات ايماعامبەتوۆ سونىمەن قاتار حالىقارالىق تاجىريبەگە دە توقتالدى.
«كوپتەگەن ەلدەردە مۇنداي شەشىم بۇرىننان قابىلدانعان»، – دەپ اتاپ ءوتتى.
