كولىك كورسە، ىشىندەگى مۇلكىنە قول سالۋدى ادەت ەتكەن ەكى الماتىلىق ۇستالدى. ولاردىڭ كولىك زاتتارىن ۇرلاۋعا قالىستى 20-دان استام قىلمىسى اشكەرەلەندى، دەپ حابارلايدى "ادىرنا" ۇلتتىق پورتالى.
پوليتسيا قىزمەتكەرىنىڭ حابارلاۋىنشا، 28 جاستاعى گ.ەسىمدى ازامات پەن ونىڭ قۇرداسى ن.ەسىمدى ازامات كولىك سالونىنان بىرنەشە مارتە ۇرلىق جاسادى دەگەن كۇدىككە ىلىنگەن.
- ۇرلىق دەرەگى بويىنشا جەرگىلىكتى تۇرعىن ارىزداندى. ونىڭ ايتۋىنشا، بەلگىسىز بىرەۋلەر Volkswagen Touareg كولىگىنە اينەكتى سىندىرۋ ارقىلى كىرىپ، جەكە مۇلكىن ۇرلاپ كەتكەن. جابىرلەنۋشىگە كەلتىرىلگەن شىعىن 1,5 ملن تەڭگەنى قۇرايدى. جەدەل-ىزدەستىرۋ ءىس-شارالارىنىڭ بارىسىندا ءبىزدىڭ بولىمشە قىزمەتكەرلەرى ۇرلانعان زاتتاردى ساتىپ الۋشىلاردىڭ جانە قاسكويدىڭ ىزىنە ءتۇستى. كۇدىكتىلەردىڭ اۋدانىمىزدا 10, قالادا 20-دان استام قىلمىس جاساعانى انىقتالدى. ۇستاۋ كەزىندە ولاردان، ۇرلانعان قارۋ تاركىلەندى، – دەيدى اۋەزوۆ اۋداندىق پوليتسيا باسقارماسىنىڭ باستىعى ۇلان ابىلقايىر.
كولىك قۇرالدارىنىڭ قاراقشىلارى بۇعان دەيىن بىرنەشە رەت سوتتالعان. قازىرگى ۋاقىتتا قۇرىقتالعاندار جاساعان قىلمىسىن تولىق مويىنداپ وتىر. ولار ۋاقىتشا ۇستاۋ يزولياتورىنا قامالدى.
"ادىرنا" ۇلتتىق پورتالى
