قازاقستان مەن رەسەيدىڭ "گازپروم" اشىق اكتسيونەرلىك قوعامى 2025 جانە 2026 جىلدارى رەسەي گازىن قازاقستانعا جەتكىزۋدى ۇلعايتۋ تۋرالى كەلىسىمگە قول قويدى. بۇل تۋرالى رەسەيلىك كومپانيانىڭ مالىمەتىنە سىلتەمە جاساپ Report جازدى، دەپ حابارلايدى “ادىرنا”.
قۇجاتقا قازاقستان پرەمەر-ءمينيسترىنىڭ ءبىرىنشى ورىنباسارى رومان سكليار مەن "گازپروم" باسشىسى الەكسەي ميللەر قول قويدى.
"كەزدەسۋ بارىسىندا تاراپتار گاز جەتكىزۋ، تاسىمالداۋ جانە وڭدەۋ سالالارىنداعى ىنتىماقتاستىقتىڭ قازىرگى جاعدايى مەن بولاشاعىن تالقىلادى", – دەلىنگەن اقپاراتتا.
ايتا كەتەيىك، 2023 جىلدىڭ قاراشا ايىندا "گازپروم" مەن قازاقستان ۇكىمەتى ستراتەگيالىق ارىپتەستىك تۋرالى كەلىسىمگە قول قويعان بولاتىن.
ۇقساس جاڭالىقتار
