قازاقستاندىق سەلەكتسيونەرلەر قىرعىزستاننان 1 ميلليون دوللارعا باعالانعان اتاقتى قوشقاردىڭ تۇقىمىن ساتىپ الدى، دەپ حابارلايدى “ادىرنا” ءتىلشىسى.
ول قىرعىزستاننان اتاقتى فرانكەل قوشقارىنىڭ تۇقىمىنان شىققان قوزى بولعان.
19 قىركۇيەكتە قىرعىزستاننىڭ شۋ وبلىسى قىزىل-وي اۋىلىندا وتكەن حالىقارالىق فەستيۆالدە فرانكەل قوشقارى قاتىسۋشىلاردىڭ ەرەكشە نازارىن اۋدارعان. ءىس-شاراعا قازاقستان، وزبەكستان، رەسەي، تاجىكستان جانە قىرعىزستاننان فەرمەرلەر قاتىستى.
فەرمەر ۇلان اتاباەۆ فرانكەلدى «باعاسىز قوشقار» دەپ اتادى.
«كەز كەلگەن قوشقاردان مۇنداي ءتول تاراي بەرمەيدى. فرانكەلدىڭ تۇقىمىنان شىققان قوزىلاردىڭ گەنەتيكالىق كورسەتكىشتەرى جوعارى. ءتىپتى كەيبىرى اتاسىنان دا اسىپ تۇسەدى»، – دەدى ۇلان اتاباەۆ.
فرانكەلدىڭ ءتۇسى دە ەرەكشە سانالادى. ونىڭ ءجۇنى اشىق قىزىل ءتۇستى. قوشقاردىڭ دەنەسى ۇزىن، سۇيەگى ءىرى، تۇمسىعى دوڭەس، ال قۇلاعىنىڭ ۇزىندىعى شامامەن 25 سانتيمەتر. فەرمەردىڭ سوزىنشە، قازاقستاندا ونىڭ قاتارلاستارىنان مۇنداي سيپاتتارعا يە قارسىلاس كەزدەسپەگەن.
اراشان ەتتى-مايلى قوي تۇقىمىن قىرعىز ماماندارى 1970-2021 جىلدار ارالىعىندا شىعارعان. ەرەسەك قوشقارلاردىڭ سالماعى 109-177 كەلىگە دەيىن جەتەدى. قازىر قىرعىزستان شارۋاشىلىقتارىندا وسى تۇقىمعا جاتاتىن 5 832 قوي بار.
فەرمەرلەر قاراپايىم قوزىنى شامامەن 1 مىڭ دوللارعا، ال ساۋلىق قويدى 5 مىڭ دوللارعا باعالايدى.
سونىمەن قاتار قىرعىزستاندىق قوي وسىرۋشىلەر بۇل تۇقىمدى گيننەستىڭ رەكوردتار كىتابىنا ەنگىزۋگە ءوتىنىش بەرگەن.
