الماتىدان اقتاۋعا شىققان Air Astana ۇشاعى شۇعىل قونۋعا ءماجبۇر بولدى. بۇل اقپاراتتى اۋە كومپانياسىنىڭ ءباسپاسوز قىزمەتى راستادى، دەپ حابارلايدى «ادىرنا» ءتىلشىسى.
جولاۋشىلاردىڭ ايتۋىنشا، ۇشاق اۋەگە كوتەرىلگەن ساتتە سالوننان تۇسىنىكسىز دىبىستار ەستىلگەن. ال 30–40 مينۋت ۇشقان سوڭ اۋە كەمەسى كەنەت تومەندەي باستاعان.
كومپانيا بۇل جاعدايعا تەحنيكالىق اقاۋدىڭ سەبەپ بولعانىن جەتكىزدى.
«31 تامىزدا الماتى-اقتاۋ باعىتىنا شىققان كس 859 رەيسىنىڭ ەكيپاجى اقتاۋعا جەتە بەرە تەحنيكالىق اقاۋ تۋرالى حابار بەرىپ، نۇسقاۋلىققا ساي ءبىرىنشى بولىپ قونۋعا رۇقسات سۇرادى. كەيىن ول اقتاۋ اۋەجايىنا ءساتتى قوندى»، - دەدى كومپانيانىڭ ءباسپاسوز قىزمەتى.
قازىرگى ۋاقىتتا اۋە كەمەسىنە تەكسەرىس جۇرگىزىلۋدە.
ۇقساس جاڭالىقتار
