Almatydan Aqtauǧa şyqqan Air Astana ūşaǧy şūǧyl qonuǧa mäjbür boldy. Būl aqparatty äue kompaniiasynyŋ baspasöz qyzmetı rastady, dep habarlaidy «Adyrna» tılşısı.
Jolauşylardyŋ aituynşa, ūşaq äuege köterılgen sätte salonnan tüsınıksız dybystar estılgen. Al 30–40 minut ūşqan soŋ äue kemesı kenet tömendei bastaǧan.
Kompaniia būl jaǧdaiǧa tehnikalyq aqaudyŋ sebep bolǧanyn jetkızdı.
«31 tamyzda Almaty-Aqtau baǧytyna şyqqan KS 859 reisınıŋ ekipajy Aqtauǧa jete bere tehnikalyq aqau turaly habar berıp, nūsqaulyqqa sai bırınşı bolyp qonuǧa rūqsat sūrady. Keiın ol Aqtau äuejaiyna sättı qondy», - dedı kompaniianyŋ baspasöz qyzmetı.
Qazırgı uaqytta äue kemesıne tekserıs jürgızılude.
Ūqsas jaŋalyqtar
