قازاقستاننىڭ رەسەيدەگى ەلشىسى داۋرەن اباەۆ تاسس اگەنتتىگىنە بەرگەن سۇحباتىندا قازاقستان حالقىنىڭ شامامەن 95 پايىزى ورىس تىلىندە سويلەيتىنىن ايتتى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، بۇل – ەلدىڭ ارتىقشىلىعى.
– قازاقستاندا، شامامەن، حالىقتىڭ 95 پايىزى ورىس تىلىندە سويلەيدى. ءبىز مۇنى ءوزىمىزدىڭ كۇشىمىز دەپ سانايمىز. ارينە، ءبىزدىڭ باسىمدىقتاعى ءتىلىمىز – مەملەكەتتىك ءتىل، قازاق ءتىلى. ونىڭ ءرولى جىل سايىن ارتىپ كەلەدى. بىراق سونىمەن بىرگە، ەلدە بارلىعىنىڭ ورىس ءتىلىن ءبىلۋى – ءبىز ءۇشىن ۇلكەن كۇش، بۇل ءبىزدىڭ باسەكەگە قابىلەتتىلىگىمىزدى ارتتىرادى، – دەدى ديپلومات.
اباەۆتىڭ مالىمەتىنشە، قازاقستانداعى 7 مىڭ مەكتەپتىڭ شامامەن 3 مىڭىندا ءبىلىم بەرۋ ورىس تىلىندە جۇرگىزىلەدى. بۇعان قوسا، ول بارلىق مەكتەپتە ورىس ءتىلىن وقىتۋ مىندەتتى ەكەنىن ەرەكشە اتاپ ءوتتى.
– ورىس ءتىلى – قازاقستان ءۇشىن باسەكەگە قابىلەتتىلىك بەرەتىن ءتىل، – دەدى ەلشى.
