الماتى تۇرعىنى سارسەن تولەنتاەۆ سوتىنىڭ قازاق تىلىندە ءوتۋىن تالاپ ەتىپ، وتىنىش جاريالاعان. الايدا، ونىڭ ءوتىنىشىن سوت قاناعاتتاندىرعانىمەن، ورانداماعان كورىنەدى. بۇل تۋرالى سارسەن تولەنتاەۆ "ادىرنا" ۇلتتىق پورتالىنا ايتىپ بەردى.
"قازىرگى تاڭدا الماتى گارنيزونىنىڭ سۋدياسى راحمەتوۆا زارينا حانىم ماعان قاتىستى قىلمىستىق ءىستى قاراۋدا.
سوت وتىرىسى باستالعان ا.ج. 6 قاڭتارى كۇنى مەن سوتتالۋشى رەتىندە سوت وتىرىسى قازاق تىلىندە جۇرگىزىلسىن دەگەن ءوتىنىش جاريالاعان بولاتىنمىن جانە وسى ءوتىنىشىمدى سوت قاناعاتتاندىرعان بولاتىن، وسى سۇراققا قاتىستى سوتتىڭ قاۋلىسىن قوسا بەرىپ وتىرمىن.
سودان بەرى 24 قاڭتار مەن 2 اقپاندا ەكى سوت وتىرىسى وتكىزىلدى. سول سوت وتىرىستارىنا سوتتىڭ شاقىرۋىمەن اۋدارماشى رەتىندە اۋە قورعانىس كۇشتەرى قولباسشىسىنىڭ وفيسىندە اۋدارماشى بولىپ جۇمىس جاسايتىن قوناەۆا قۇرالاي قاتىستىرىلعان بولاتىن. قورعاۋشى تاراپتىڭ سۇراقتارىنا اۋدارماشى قوناەۆا قازاق مەملەكەتتىاك قىزدار ينستيتۋتىن قازاق ءتىلىن دامىتۋ ماماندىعى بويىنشا اياقتاعانىن ايتقان بولاتىن، ياعني ول كىسى ماماندىعى بويىنشا كاسىبي اۋدارماشى ەمەس بولىپ شىقتى.
سوت وتىرىسىندا قۇرالاي قارىنداسىم زاڭ سالاسىنا، قىلمىستىق پروتسەسكە قاتىستى سۇراقتار بويىنشا جانە سوتتا سويلەگەن تاراپتاردىڭ ۋاجدەرىنە تولىققاندى اۋدارما جاساۋعا بىلىكتىلىگى جەتىسپەيتىنىن ءوزى دە مويىندادى. وسىعان قاتىستى سۋديا راحمەتوۆا اتالعان اۋدارماشى ءارى قاراي سوتقا قاتىستىرىلمايدى دەگەن شەشىم قابىلدادى", دەدى سارسەن تولەنتاەۆ.
سونداي-اق، سۋديا جابىلەنۋشى تاراپتىڭ سوت ورىس تىلىندە ءوتسىن دەگەن ءوتىنىشىن قاناعاتتاندىرعان. وعان سەبەپ، سۋديا راحمەتوۆا قازاق تىلىنە شورقاق ەكەن.
“اۋدارماشى تۇگىل سۋديا راحمەتوۆانىڭ ءوزى قازاق تىلىنە شورقاق ەكەنىن ايقىن كوردىك، ونىڭ دالەلى رەتىندە سوت وتىرىسىنىڭ اۋديو-بەينەجازبالارىن ۇسىنا الامىن. 24.01 مەن 02.02 كۇندەرگى سوت وتىرىستارىندا سۋديا راحمەتوۆا قازاق ءتىلىن بىلمەگەندىگە قاتىستى ابدەن تيتىقتادى جانە بۇدان قالاي قۇتىلامىن دەگەن ايدارمەن 13.02.23ج. جابىرلەشىنىڭ سوت وتىرىسى ورىس تىلىندە جالعاستىرىلسىن دەگەن ءوتىنىشىن قاناعاتتاندىرىپ، وسى جايلى سوت قاۋلىسىن شىعاردى، ول قاۋلىنى دا قوسا بەرىپ وتىرمىن.
وسىلايشا سۋديا راحمەتوۆا قازاقستان رەسپۋبليكاسىنىڭ اتازاڭى مەن ءتىل تۋرالى زاڭىن پىسقىرماي وتىر دەسەم ارتىق ايتقان بولماسپىن. بۇنداي سۋدياعا نە دەۋگە بولادى؟ سۋديالاردىڭ قازاق ءتىلىن ءبىلۋى زاڭ تالابى ەمەس پە؟
وسىعان قاتىستى باق-رىن ا.ج. 1 ناۋرىزى كۇنى ساعات 10-00-عا بەلگىلەنگەن سوت وتىرىسىنا كەلىپ قاتىسۋعا شاقىرامانىن. كەلىڭىزدەر! سوت اشىق. جاڭا قازاقستاننىڭ سوتى قالاي وتەتىنىن كورىڭىزدەر!
قازاقستان حالقىنا ارنالعان جولداۋىندا پرەزيدەنتىمىز: «اتا زاڭ بويىنشا قازاقستاندا ءبىر عانا مەملەكەتتىك ءتىل بار. بۇل – قازاق ءتىلى» دەپ ەدى عوي، وسىنى سۋديالار قالاي ورىنداپ جاتقانىن ەستىڭىزدەر! بۇعان قوسا – ىشتەرىڭىزدە اۋدارماشى بولۋعا ءبىلىمى مەن بىلىكتىلىگى جەتكىلىكتى ادامدار بولسا ماعان اۋدارماشى قىزمەتىن كورسەتۋگە اتسالىسىڭىزدارشى، وكىنىشكە وراي سوت شاقىرعان اۋدارماشىلارعا سەنىم از بولىپ تۇر", دەپ كۇيىندى سارسەن تولەنتاەۆ.
