تۇركىستان وبلىسىندا قوي ايداۋعا كەتكەن 38 جاستاعى ماقسات اتاباەۆ ءىز-ءتۇزسىز جوعالىپ كەتتى، دەپ حابارلايدى "ادىرنا" ۇلتتىق پورتالى.
ول جوعالعانىنا ءبىر ايعا جۋىق ۋاقىت بولسا دا، ءالى كۇنگە دەيىن تابىلماعان.
جوعالعان ازاماتتىڭ اناسى ۇلجان جانىبەكوۆانىڭ ايتۋىنشا، ۇلى «جەتىسايدان شارداراعا قوي ايداۋعا كەتتىم» دەپ شىعىپ، سول كۇيى ۇيگە ورالماعان.
«كولىككە وتىرعان. ۇيگە قايتامىن دەگەن. بىراق ءالى كەلگەن جوق. كۇنى-ءتۇنى جولىنا قاراپ وتىرمىن. ءۇمىتىم ۇزىلمەدى»، – دەيدى اناسى.
ماقسات ۇيلەنبەگەن، اناسىمەن بىرگە تۇرعان. جاقىندارى ونىڭ كەز كەلگەن قارا جۇمىسقا يكەمدى ەكەنىن ايتىپ، بىرەۋلەر كۇشتەپ ۇستاپ وتىر ما دەگەن كۇدىك كەلتىرەدى.
اعايىندارى بۇل ىسكە ازاماتتىڭ دوسىنىڭ قاتىسى بولۋى مۇمكىن ەكەنىن جوققا شىعارمايدى.
«ول ىنىممەن بىرگە قوي ايداۋعا شىققان. ەكى كۇن دالادا تۇنەگەن. ءۇشىنشى كۇنى ءىنىم تويعا بارمايمىن دەپ اۋىلدا قالعان. سودان كەيىن ماقسات جالعىز قالىپ كەتكەن. قالتاسىندا اقشاسى دا بولماعان. مۇمكىن بىرەۋلەر ونى پايدالانىپ، باسقا جاققا الىپ كەتكەن شىعار»، – دەيدى اپكەسى ايجان اتاباەۆا.
جاقىندارى اۋىل-ايماقتى تۇگەل ىزدەگەنىن ايتادى.
«بولىمشە، كولىكجاي، تاستاندى عيمارات – ءبارىن قارادىق. بىراق ناتيجە جوق. پوليتسيا العاشىندا ۇيگە كەلىپ كوردى، ودان بەرى حابارسىز»، – دەيدى تۋىستارى.
ال پوليتسيا وكىلدەرى ىزدەستىرۋ جۇمىستارى جالعاسىپ جاتقانىن جانە ءىستىڭ باقىلاۋدا ەكەنىن مالىمدەدى.
