اكەسىن اياۋسىز سوققىعا جىعىپ، ولتىرگەن ەر ادامنىڭ ۇكىمىنە پروكۋراتۋرا قارسىلىق ءبىلدىردى، دەپ حابارلايدى "ادىرنا" ۇلتتىق پورتالى.
وقيعا تۇركىستان وبلىسى شاردارا اۋدانىنا قاراستى قوسسەيىت اۋىلىندا بولعان. تۋعان اكەسىن ۇرىپ-سوعىپ، ازاپتاعان 41 جاستاعى الماس ساداقباەۆ 5 جىلعا باس بوستاندىعىنان ايىرىلدى.
سوت ونى «قيناۋ» جانە «دەنساۋلىققا قاساقانا ورتاشا اۋىرلىقتاعى زيان كەلتىرۋ» باپتارى بويىنشا كىنالى دەپ تانىدى. الايدا تۇركىستان وبلىستىق پروكۋراتۋراسى ۇكىممەن كەلىسپەي، جازانى قاتاڭداتۋ تۋرالى اپەللياتسيالىق نارازىلىق جولدادى.
وبلىستىق پروكۋراتۋرانىڭ مالىمەتىنشە، جەتىساي اۋداندىق سوتىنىڭ 2026 جىلعى 16 قاڭتارداعى ۇكىمىمەن اكەسىن جۇيەلى تۇردە ۇرىپ-سوعىپ كەلگەن ەر ادام 5 جىلعا سوتتالعان. وسىعان بايلانىستى شاردارا اۋدانىنىڭ پروكۋراتۋراسى اپەللياتسيالىق ءوتىنىشحات تۇسىرگەن.
