باتىس قازاقستاندا ءوز ۇيىنەن ەر ادامنىڭ دەنەسى تابىلدى، دەپ حابارلايدى "ادىرنا" ءتىلشىسى.
بقو پوليتسيا دەپارتامەنتى وقيعانىڭ 3 اقپان كۇنى بولعانىن ايتادى. بايتەرەك اۋدانى دوستىق اۋىلىندا ەر ادامدار جانجالداسىپ، داۋدىڭ سوڭى ولىممەن اياقتالعان.
شامامەن ساعات 09.00-دە ءوز ۇيىنەن كوپتەگەن جاراقاتپەن ەر ادامنىڭ مۇردەسى تابىلدى. الىنعان ءىس-شارالاردىڭ ناتيجەسىندە وسى قىلمىسقا كۇدىكتى رەتىندە 1990 جىلعى تۇرعىن انىقتالىپ، ۇستالدى. الدىن الا مالىمەت بويىنشا اراق ءىشۋ بارىسىندا ەر ادامدار اراسىندا جانجال شىققان. كۇدىكتى كىناسىن مويىنداپ، جاۋاپ بەردى. ول قر قىلمىستىق ءىس جۇرگىزۋ كودەكسى 128-بابىنىڭ تارتىبىمەن پريۋرال پوليتسيا ءبولىمىنىڭ ۋاقىتشا ۇستاۋ يزولياتورىنا قامالدى. تەرگەۋ امالدارىن پريۋرال پوليتسيا ءبولىمى جۇرگىزىپ جاتىر. باسقا اقپارات قر قىلمىستىق ءىس جۇرگىزۋ كودەكسىنىڭ 201-بابىنا سايكەس جاريالاۋعا جاتپايدى، - دەپ حابارلادى ۆەدومستۆودان.
