پىشاق ۇستاعان ەر ادام الماتى اۋەجايىنىڭ قىزمەتكەرىن كەپىلگە العان. بۇل تۋرالى الماتى اۋەجايىنىڭ ءباسپاسوز قىزمەتى راستادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، وقيعا 7 ناۋرىزدا ۇشۋ الدىنداعى تەكسەرۋ ايماعىندا بولعان. الماتى اۋەجايىندا حابارلانعانداي، ساعات 11:45 شاماسىندا ىشكى رەيستەر تەرمينالىندا (ت1) دەسترۋكتيۆتى ەر ادام جولاۋشى اتىن جامىلىپ، رەيس الدىنداعى تەكسەرۋ ايماعىنا كىرىپ كەتكەن.
IAA اۆياتسيالىق قاۋىپسىزدىك سكرينينگ وفيتسەرلەرى ەر ادامنان قۇجاتتارىن كورسەتۋدى سۇراعان، وعان جاۋاپ رەتىندە ول قاۋىپسىزدىك تەكسەرۋشىسىن شاشىنان ۇستاپ، پىشاقپەن قورقىتقان.
«7 مينۋتتان كەيىن ەر ادامدى اۋەجايدا جەلىلىك پوليتسيا ءبولىمىنىڭ (جپب) قىزمەتكەرلەرى جانە شققب قىزمەتكەرلەرى قارۋسىزداندىردى. قازىرگى ۋاقىتتا ەر ادام جەدەل تەرگەۋ يزولياتورىندا، ءتارتىپ ساقشىلارى بۇل وقيعامەن اينالىسۋدا»، - دەپ حابارلادى الماتى اۋەجايىنىڭ ءباسپاسوز قىزمەتى.
