الەۋمەتتىك جەلىدە «قىزىلوردا وبلىسىنداعى ءبىر مەكتەپتىڭ ەكى مۇعالىمى تۇركياداعى ترانسۆەستيتتىك تۇنگى كلۋبقا باردى» دەگەن حابار تارادى. كەيىن ەكى مۇعالىمنىڭ دە جۇمىستان بوساتىلعانى بەلگىلى بولدى. جاعدايعا اسحات ايماعامبەتوۆ پىكىر ءبىلدىردى، - دەپ حابارلايدى Tengrinews.kz ءتىلشىسى.
بەلگىلى بولعانداي، قىسقى كانيكۋل كەزىندە مۇعالىمدەر تۇركيادا دەمالىپ، ترانسۆەستيتتەرگە ارنالعان تۇنگى كلۋبقا بارعان كورىنەدى. مۇعالىمدەر الەۋمەتتىك جەلىدە دەمالىس كەزىندە تۇسىرىلگەن كادرلاردى تاراتقان، مۇنى كورگەن وقۋشىلاردىڭ اتا-انالارى ولاردى جۇمىستان شىعارۋدى تالاپ ەتكەن.
الايدا، قىزىلوردا وبلىسى ءبىلىم باسقارماسىنىڭ ءباسپاسوز قىزمەتى مۇعالىمدەردىڭ كلۋبقا بارعانى ءۇشىن ەمەس، دەمالىسى بىتكەن سوڭ جۇمىسقا كەلمەگەنى ءۇشىن جۇمىستان بوساتىلعانىن ءتۇسىندىردى.
«قىزىلوردا وبلىسى قارماقشى اۋدانىنا قاراستى No250 مەكتەپ-ليتسەيىندە 2-5 جۇمىس كۇنى ارالىقتا بەلگىسىز سەبەپتەرمەن جالاقىسى ساقتالمايتىن دەمالىس كۇندەرىن قوسپاعاندا، جۇمىس ىستەگەن مۇعالىمدەر ەسكەرتۋسىز جۇمىسقا كەلمەگەن. ەڭبەك كودەكسىنىڭ 49-بابىنىڭ 5-تارماعىنا سايكەس ولاردىڭ ءوز وتىنىشتەرى بويىنشا جۇمىستان بوساتىلعانىن حابارلايمىز»، - دەپ ءتۇسىندىردى وبلىستىق ءبىلىم باسقارماسى.
ال بۇرىنعى ءبىلىم ءمينيسترى، قازىر ءماجىلىس دەپۋتاتى اسحات ايماعامبەتوۆ مۇعالىمدەردىڭ ءوز قۇقىعى بار قاراپايىم ازاماتتار ەكەنىن، سوندىقتان الدىمەن جاعدايدى تۇسىنگەن ءجون ەكەنىن ەسكە سالدى.
"مۇعالىمدەر دە بارشامىز سياقتى ازامات. ولاردىڭ قۇقىقتارىن ەشكىم شەكتەۋگە بولمايدى. سوندىقتان بۇل جەردە ءبىز مۇعالىمدەرگە قويىلاتىن تالاپتاردى انىق اجىراتۋىمىز كەرەك ەكەنىن بىلەسىزدەر. ارينە، جوعارى تالاپتار وزدىگىنەن تۋىندايدى. بىراق ولاردىڭ قۇقىعىن ءتۇسىنۋىمىز كەرەك. ال بۇل جەردە ءىستى ناقتى ءتۇسىنىپ، ولاردىڭ بۇل ىستە قانداي كىناسى بار ەكەنىن ءبىلۋ كەرەك", - دەدى ايماعامبەتوۆ.
