Astanada tüngı klubta arandatuşylyq sipattaǧy beinerolikter tüsırıp, olarda beiädep sūraqtar qoiyp, balaǧat sözder aitqan 33 jastaǧy bloger ūstaldy, dep habarlaidy "Adyrna" ūlttyq portaly Tengrinews.kz-ke sıltep.
Er adam köŋıl köteru ornynyŋ art-direktory bolyp jūmys ıstep, sonymen qatar blog jürgızgen. Qaralym jinau üşın ol keluşı qyzdarǧa tiısıp, intimdık sipattaǧy ädepsız sūraqtar qoiyp, olardy kameraǧa tüsıre otyryp aşyqtan-aşyq qorlaǧan. Videolarda balaǧat sözder aitylǧan, al blogerdıŋ äreketı ainalasyndaǧylardy ädeiı qorlau retınde baǧalanuy mümkın.
Jariialanǧan rolikter äleumettık jelılerde tez tarap, qala tūrǧyndarynyŋ aşu-yzasyn tuǧyzdy. Paidalanuşylar avtordy adamdarǧa qūrmetsızdıgı üşın jazalaudy talap ettı.
Er adam ūstaldy. Sot ony qoǧamdyq oryndarda balaǧat sözder aitqany, qoǧamdyq tärtıptı öreskel būzǧany jäne qoǧamǧa aşyqtan-aşyq qūrmetsızdık tanytqany üşın 15 täulıkke äkımşılık qamauǧa alu turaly şeşım şyǧardy.
Sot otyrysy kezınde blogerdıŋ aiyppūl töleuge sūraǧan ötınışı qanaǧattandyrylmady.
