تاشكەنتتە قازاقستان مەن وزبەكستان جۇمىس توپتارىنىڭ كەزدەسۋى ءوتتى، دەپ حابارلايدى "ادىرنا" ۇلتتىق پورتالى.
كەزدەسۋدە ەكى ەلدىڭ اتوم ەلەكتر ستانتسيالارىن سالۋعا جاۋاپتى وكىلدەرى توتەنشە جاعدايلار كەزىندە جەدەل ارەكەت ەتۋدىڭ بىرلەسكەن جۇيەسىن قۇرۋ ماسەلەسىن قاراستىردى.
قازاقستاندىق دەلەگاتسياعا ەكولوگيا جانە تابيعي رەسۋرستار ۆيتسە-ءمينيسترى جومارت اليەۆ جەتەكشىلىك ەتتى. تاراپتار رادياتسيالىق جانە ەكولوگيالىق جاعدايدى بىرلەسىپ باقىلاۋ جۇيەسىن ازىرلەۋ قاجەتتىگىن اتاپ ءوتتى. سونداي-اق اەس قۇرىلىسىندا قاۋىپسىزدىك باستى باسىمدىق بولۋى ءتيىس ەكەنى بىرنەشە رەت ايتىلدى. اسىرەسە، سەيسميكالىق قاۋىپ ماسەلەسىنە نازار اۋدارىلدى.
وزبەكستان تاراپى يادرولىق جانە رادياتسيالىق قاۋىپسىزدىك سالاسىنداعى حالىقارالىق قۇقىقتىق مىندەتتەمەلەردى ورىنداۋداعى جەتىستىكتەرىمەن بولىسكەن.
كەزدەسۋدە كادر دايارلاۋ باعىتىنداعى ىنتىماقتاستىق تا تالقىلاندى. ونىڭ ىشىندە تاشكەنتتەگى رەسەيدىڭ ۇلتتىق يادرولىق زەرتتەۋ ۋنيۆەرسيتەتى فيليالى نەگىزىندە بىرلەسكەن ءبىلىم بەرۋ باعدارلامالارىن قۇرۋ ۇسىنىلدى.
ء«وزاتوم» باسشىسى ازيم احمەدحادجاەۆ قازاقستاندا ينجەنەرلىك-ىزدەستىرۋ جۇمىستارىنىڭ باستالعانىنا قۋانىشتى ەكەنىن جەتكىزىپ، بۇل كەزەڭنىڭ اسا ماڭىزدى ەكەنىن اتاپ ءوتتى.
ال جومارت اليەۆ ءوز سوزىندە وزبەكستاننىڭ تاجىريبەسىن ەسكەرە وتىرىپ، قايتالانباس قاتەلىكتەردەن ساباق الۋ ماقسات ەكەنىن اتاپ ءوتتى.
