شىمكەنت قالالىق سوتىندا مەملەكەتتىك ايىپتاۋشى باۋىرجان قارامانوۆ قالا اكىمىنىڭ ورىنباسارى رۋسلان بەردەنوۆكە جاسالعان شابۋىل ءىسى بويىنشا ايىپتالۋشىنى 11 جىل 3 اي مەرزىمگە باس بوستاندىعىنان ايىرۋ جازاسىن سۇرادى، دەپ حابارلايدى «ادىرنا» ءتىلشىسى.
پروكۋرور وقيعانىڭ ءمان-جايىن تولىق بايانداپ، ايىپتالۋشى ەرنار جيەمبايدىڭ كىناسڭ كۋالاردىڭ ايعاقتارى مەن ءتۇرلى دالەلدەر ارقىلى راستالاتىنىن اتاپ ءوتتى. سونداي-اق ول قىلمىستى جەڭىلدەتەتىن جانە اۋىرلاتاتىن ءمان-جايلارعا توقتالدى. ايتۋىنشا، جەڭىلدەتەتىن جاعداي رەتىندە ايىپتالۋشىنىڭ كامەلەتكە تولماعان بالالارىنىڭ بارى ەسكەرىلدى. ال ونىڭ قىلمىستى ماس كۇيدە جاساعانى اۋىرلاتاتىن جاعداي رەتىندە ەسەپتەلدى.
ەسكە سالايىق، ەرنار جيەمباي قىلمىستىق كودەكستىڭ «ادام ءولتىرۋ» بابى جانە «قىلمىسقا دايىندالۋ جانە قىلمىسقا وقتالۋ» باپتارى بويىنشا ايىپتالىپ وتىر.
