التى جىل وتكەندە دەنيس تەندى ولتىرگەندەردىڭ جازاسى جەڭىلدەدى

ايتا كەتەيىك، دەنيس تەننىڭ ولىمىنە كىنالىلەر – نۇرالى قياسوۆ پەن ارمان قۇدايبەرگەنوۆتىڭ جازاسى جەڭىلدەتىلگەنى بەلگىلى بولدى. ولار بارىنشا قاتاڭ قاۋىپسىزدىك رەجيمىندەگى كولونيادا وتىرعان بولاتىن. بىلتىر ولاردى ورتاشا قاۋىپسىزدىك مەكەمەسىنە اۋىستىرعانى انىقتالدى.

اقپاراتقا سايكەس، 2023 جىلدىڭ 19 قازانىندا قوناەۆ قالاسىنىڭ سوتى نۇرالى قياسوۆتىڭ جازاسىن جەڭىلدەتۋدى قاراستىرعانى بەلگىلى بولدى. بۇل ۇسىنىستى الماتى وبلىسىنداعى №12 مەكەمە باسشىسى جاساعان.

بۇل 2023 جىلدىڭ ناۋرىزىندا قابىلدانعان زاڭداعى وزگەرىستەرمەن ءتۇسىندىرىلدى: بۇرىن باس بوستاندىعىنان ايىرىلماعان، 2 جىلدان استام مەرزىمگە سوتتالعاندار جازاسىن قىلمىستىق-اتقارۋ جۇيەسىنىڭ ورتاشا قاۋىپسىزدىك مەكەمەلەرىندە وتەي الادى.

سونىمەن قاتار، قاجد قياسوۆتىڭ تەرگەۋ يزولياتورىندا وتكىزگەن 8 ايعا جۋىق ۋاقىتىن وعان بەرىلگەن مەرزىمگە ەسەپتەۋدى ۇسىنعان.

سوت ونى قاناعاتتاندىرىپ، قياسوۆتى ورتاشا قاۋىپسىزدىك رەجيمىندەگى كولونياعا اۋىستىردى. ارمان قۇدايبەرگەنوۆكە قاتىستى دا وسىنداي شەشىم شىعارىلعان.

قاجك جۋرناليستەرگە قازىرگى ۋاقىتتا قۇدايبەرگەنوۆ پەن قياسوۆ جامبىل جانە شىعىس قازاقستان وبلىستارىنداعى ورتاشا قاۋىپسىزدىك مەكەمەلەرىندە جازالارىن وتەپ جاتقانىن حابارلادى.

ولار جۇمىس ىستەمەيدى. الايدا قاجك بۇنى جۇمىس ورىندارىنىڭ جەتىسپەۋشىلىگىمەن تۇسىندىرەدى. ولار قاراپايىم جاعدايلارىندا ۇستالادى. مەديتسينالىق كومەككە جۇگىنبەگەن.

سونىمەن قاتار، ىسكە تاعى ءبىر كۇدىكتى - جانار تولەباەۆا بولدى. ونى قىلمىس تۋرالى حابارلاماعانى ءۇشىن ءتورت جىل باس بوستاندىعىنان ايىرۋعا ۇكىم ەتكەن بولاتىن.

الايدا ءبىر جىلدان كەيىن ونى دەنساۋلىق جاعدايىنا بايلانىستى جانە بوسانۋىنا بايلانىستى بوساتتى. دەگەنمەن، ول ءوز مەرزىمىن كەيىنىرەك وتەپ شىعىپ، 2021 جىلى بوساتىلعان.

بۇگىن، 19 شىلدەدە الماتى ورتالىعىندا قازاقستاندىق مانەرلەپ سىرعاناۋشى دەنيس تەننىڭ ولتىرىلگەنىنە التى جىل تولدى. ول كەزدە ول كولىگىنىڭ اينالارىن ۇرلاماق بولعان ۇرىلارمەن قاقتىعىسقا تۇسكەن بولاتىن.