تۇركىستان وبلىسىندا ءبىر جاسار ءسابي ءۇي اۋلاسىنداعى دالا دارەتحاناسىنىڭ تەرەڭ شۇڭقىرىنا قۇلاپ كەتكەن، دەپ حابارلايدى "ادىرنا" ۇلتتىق پورتالى.
وقيعانى بايقاپ قالعان ەرەسەكتەر بالانى ءوز كۇشتەرىمەن شىعارا الماعان. جەدەل تۇردە كومەككە توتەنشە جاعدايلار دەپارتامەنتىنىڭ قۇتقارۋشىلارى شاقىرتىلدى.
قۇتقارۋشىلار ارنايى تەحنيكا مەن ارقاننىڭ كومەگىمەن شۇڭقىرعا ءتۇسىپ، ءسابيدى امان-ەسەن سىرتقا شىعاردى.
جەدەل جاردەم قىزمەتكەرلەرى وقيعا ورنىنا كەلىپ، بالانى تەكسەرىپ، العاشقى مەديتسينالىق كومەك كورسەتتى. دارىگەرلەردىڭ ايتۋىنشا، قازىرگى تاڭدا ءبۇلدىرشىننىڭ جاعدايى تۇراقتى.
ۇقساس جاڭالىقتار
