تۇركىستان وبلىسىنداعى مەكتەپتە اتا-انا مەن مۇعالىم توبەلەستى (ۆيدەو)

4571
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

تۇركىستان وبلىسىنداعى مەكتەپتەردىڭ بىرىندە اتا-انا مەن مۇعالىم اراسىنداعى جانجال بولدى. وقيعا ۆيدەوعا ءتۇسىپ قالعان، دەپ حابارلايدى “ادىرنا” ۇلتتىق پورتالى.

Otyrar.kz-ءتىڭ مالىمەتىنشە، ەكى ايەل الدىمەن وقۋ ورنىنداعى كابينەتتىڭ جانىندا سوزگە كەلگەن. سودان كەيىن ولاردىڭ بىرەۋى ەكىنشىسىن جاعادان الىپ، قابىرعاعا يتەرەدى. سودان سوڭ ايەل مۇعالىمنىڭ اياعىن شالعاندىقتان، ول ەدەنگە قۇلايدى. بالالار مەن مۇعالىمدەر بولىپ جاتقان وقيعالاردىڭ كۋاگەرلەرى بولدى. ولار ايەلدەردى اجىراتۋعا تىرىسقانىمەن، ناتيجە بولمادى.

"جاعداي تۇركىستان وبلىسىنىڭ ءبىلىم باسقارماسىنىڭ باقىلاۋىندا. ءىس پوليتسياعا بەرىلدى. بىراق بىرنەشە كۇننەن كەيىن اتا-انا مەكتەپكە ۇجىمنان جانە زارداپ شەككەن مۇعالىمنەن كەشىرىم سۇراپ كەلدى. ەكى تاراپ ءوزارا مامىلەگە كەلدى", — دەپ حابارلادى تۇركىستان وبلىسىنىڭ ءبىلىم باسقارماسى.

پىكىرلەر