2025 جىلدىڭ شىلدەسىندە قازاقستاندا اي-92 ماركالى بەنزين 1,8%-عا، ديزەل وتىنى 1,2%-عا قىمباتتادى. بۇل تۋرالى Kazenergy – قازاقستاننىڭ مۇناي-گاز جانە ەنەرگەتيكا كەشەنى ۇيىمدارى قاۋىمداستىعى مالىمدەدى، دەپ حابارلايدى "ادىرنا".
«شىلدە ايىندا ەڭ كوپ قىمباتتاعان – اي-92 بەنزينى (1,8%), ال ديزەل وتىنى 1,2%-عا ءوستى. جىلدىق كورسەتكىش بويىنشا كوشباسشى – جازعى ديزەل: +7%»، دەلىنگەن جۇما كۇنى جاريالانعان حابارلامادا.
مالىمەتكە سايكەس، ماۋسىم ايىندا جانارمايدىڭ ورتاشا باعاسى بىلاي بولدى:
– اي-92 – 210 تەڭگە/ليتر
– اي-95/96 – 265 تەڭگە/ليتر
– اي-98 – 302 تەڭگە/ليتر
– ديزەل وتىنى – 310 تەڭگە/ليتر
ءبىر جىل بۇرىن باعالار جانارماي تۇرىنە قاراي 8-17 تەڭگەگە تومەن بولعانى كورسەتىلگەن.
سونىمەن قاتار، 2025 جىلدىڭ العاشقى جارتىسىندا قازاقستاندا بەنزين مەن ديزەل وتىنىن ءوندىرۋ كولەمى رەكوردتىق دەڭگەيگە جەتتى. سايكەسىنشە 3,1 ملن جانە 3 ملن ليتر. بۇل 2024 جىلدىڭ وسىنداي كەزەڭىمەن سالىستىرعاندا 16,3% جانە 16,9%-عا كوپ.
ەسكە سالساق، 2025 جىلدىڭ اقپانىنان باستاپ بەنزين باعاسى ەركىن اينالىمعا جىبەرىلگەن بولاتىن.
