ميللياردەر تيمۋر قۇلىباەۆ باقىلايتىن «كيپروس» جشس-ءنىڭ اتىراۋداعى جەر تەلىمى مەملەكەت مەنشىگىنە قايتارىلدى. بۇل تۋرالى وڭىرلىك پروكۋراتۋرا ايتتى، دەپ حابارلايدى «ادىرنا» ءتىلشىسى.
پروكۋراتۋرا مالىمەتىنشە، ايلاق كوپىرىنە ارنالعان 3,46 گەكتار جەر مەملەكەت مەنشىگىنە وتكەن.
«ۇزاققا سوزىلعان سوت پروتسەستەرىنەن كەيىن پروكۋرورلىق قاداعالاۋ اكتىسى نەگىزىندە «كيپروس» جشس-نە تيەسىلى اتىراۋ قالاسىندا پيرس سالۋعا ارنالعان 3,46 گا جەر ۋچاسكەسى ماقساتىنا سايكەس پايدالانىلماۋىنا بايلانىستى مەملەكەت مەنشىگىنە قايتارىلدى، جەردىڭ نارىقتىق قۇنى – 250 ملن تەڭگە قۇرايدى»،—دەلىنگەن حابارلامادا.
«كيپروس» جشس — قازاقستانداعى ءىرى حولدينگتىك جانە ينۆەستيتسيالىق كومپانيا. ونىڭ قىزمەتى اكتيۆتەر مەن ينۆەستيتسيالاردى ستراتەگيالىق باسقارۋعا باعىتتالعان. ەلەكتروندىق ۇكىمەت بازاسىنداعى مالىمەتتەرگە سايكەس، كومپانيانى اينۇر شانەنوۆا باسقارادى، ال قۇرىلتايشىسى — بەلگىلى قازاقستاندىق كاسىپكەر، ەكس-پرەزيدەنت نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆ.
