ەكس-پرەزيدەنت نۇرسۇلتان نازارباەۆتىڭ كۇيەۋبالاسى، ميللياردەر، كاسىپكەر تيمۋر قۇلىباەۆ اتىراۋ وبلىسىنداعى سۋ تاسقىنى زارداپتارىن جويىپ، ءوڭىردى قالپىنا كەلتىرۋگە 30 ملرد تەڭگە بولەدى. بۇل تۋرالى Energy monitor تەلەگرام-ارناسى جاريالادى، دەپ حابارلايدى “ادىرنا” ۇلتتىق پورتالى.
قاراجات تۇرعىن ۇيلەردى جوندەۋگە جانە جاڭادان سالۋعا، ينفراقۇرىلىمدى قالپىنا كەلتىرۋگە، سونداي-اق تابيعي اپاتتان زارداپ شەككەندەرگە كومەك كورسەتۋگە جۇمسالادى. شىعىن ەسەپتەلىپ بولعاسىن، بۇل جۇمىستار شۇعىل تۇردە جۇرگىزىلەدى.
«سۋ تاسقىنىنان زارداپ شەككەن ءاربىر جاننىڭ قايعىسىنا ورتاقپىن. اپاتتىڭ العاشقى كۇننەن باستاپ قارعىن سۋدىڭ استىندا قالعان ايماقتارعا كومەك قولىن سوزدىق. پرەزيدەنت قاسىم-جومارت توقاەۆتىڭ باسشىلىعىمەن بارلىق قيىندىقتى ەڭسەرەتىنىمىزگە سەنىمدىمىن»، - دەدى تيمۋر قۇلىباەۆ.
ايتا كەتەيىك، قازاقستاندىق كاسىپكەرلەر مەن بەلسەندى ازاماتتار مەملەكەت باسشىسى قاسىم-جومارت توقاەۆتىڭ سۋ تاسقىنىنىڭ سالدارىن جويۋدا بىرلەسىپ ارەكەت ەتۋ تۋرالى ۇسىنىسىن قولدادى.
ەسكە سالايىق، بۇعان دەيىن تيمۋر قۇلىباەۆتىڭ باقىلاۋىنداعى Atlas Development جانە Omirex كومپانيالارى ءال-فارابي اتىنداعى قازاق ۇلتتىق ۋنيۆەرسيتەتىنىڭ (قازۇۋ) بيزنەسكە وتكەن جەر ۋچاسكەلەرى بويىنشا وتكەن سوتتا جەڭىلگەنىن حابارلاعان ەدىك.
