Milliarder Timur Qūlybaev baqylaityn «Kipros» JŞS-nıŋ Atyraudaǧy jer telımı memleket menşıgıne qaitaryldy. Būl turaly öŋırlık prokuratura aitty, dep habarlaidy «Adyrna» tılşısı.
Prokuratura mälımetınşe, ailaq köpırıne arnalǧan 3,46 gektar jer memleket menşıgıne ötken.
«Ūzaqqa sozylǧan sot prosesterınen keiın prokurorlyq qadaǧalau aktısı negızınde «Kipros» JŞS-ne tiesılı Atyrau qalasynda pirs saluǧa arnalǧan 3,46 ga jer uchaskesı maqsatyna säikes paidalanylmauyna bailanysty memleket menşıgıne qaitaryldy, jerdıŋ naryqtyq qūny – 250 mln teŋge qūraidy»,—delıngen habarlamada.
«Kipros» JŞS — Qazaqstandaǧy ırı holdingtık jäne investisiialyq kompaniia. Onyŋ qyzmetı aktivter men investisiialardy strategiialyq basqaruǧa baǧyttalǧan. Elektrondyq ükımet bazasyndaǧy mälımetterge säikes, kompaniiany Ainūr Şanenova basqarady, al qūryltaişysy — belgılı qazaqstandyq käsıpker, eks-prezident Nūrsūltan Nazarbaevtyŋ küieu balasy Timur Qūlybaev.
