ۇلىتاۋ وبلىسىندا قۇقىق قورعاۋ ورگاندارى تاراپىنان ۇيىمداسقان قىلمىسقا قارسى باعىتتالعان ناقتى ءىس-شارالار جۇرگىزىلىپ كەلەدى. بۇل شارالار ەلىمىزدە قىلمىستىڭ الدىن الۋعا، قوعامدا قاۋىپسىزدىك پەن تۇراقتىلىقتى قامتاماسىز ەتۋگە باعىتتالعان “زاڭ مەن ءتارتىپ” تۇجىرىمداماسىن جۇزەگە اسىرۋ اياسىندا ىسكە اسىرىلۋدا.
سوڭعى كەزدەرى جەزقازعان قالاسىندا شاعىن جانە ورتا بيزنەس يەلەرىنە قىسىم كورسەتۋ، ولاردان زاڭسىز اقشا تالاپ ەتۋ فاكتىلەرى تىركەلە باستاعان. وسىعان بايلانىستى، ۇلىتاۋ وبلىسى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسى ارنايى جەدەل-ىزدەستىرۋ ءىس-شاراسىن جۇرگىزىپ، ناتيجەسىندە جەزقازعان قالاسىنىڭ ەكى تۇرعىنىن ۇستادى. ولار شاعىن جانە ورتا كاسىپكەرلىك سۋبەكتىلەرىن قورقىتىپ-ۇركىتىپ، 6 ميلليون تەڭگە كولەمىندە اقشا بوپسالاعان دەگەن كۇدىككە ىلىنگەن.
كۇدىكتىلەر ءوز ارەكەتتەرىن اشىق تۇردە، كۇش قولدانۋ ارقىلى جۇزەگە اسىرماق بولعان. ولاردىڭ ماقساتى – بيزنەستى كريمينالدىق باقىلاۋعا الىپ، تابىس كوزىنە اينالدىرۋ. بۇل ارەكەتتەرى مەملەكەتىمىزدە زاڭسىز دەپ تانىلىپ، اۋىر قىلمىس رەتىندە باعالانادى.
تەرگەۋ بارىسىندا كۇدىكتىلەردەن ايعاقتى زاتتار تاركىلەنىپ، ءىستىڭ ءمان-جايىن تولىق انىقتاۋ ءۇشىن كەشەندى تەرگەۋ امالدارى باستالدى. قازىرگى تاڭدا سوتتىڭ سانكتسياسىمەن كۇدىكتىلەر تەرگەۋ يزولياتورىنا قامالدى. بۇل – زاڭ الدىندا جاۋاپكەرشىلىكتەن ەشكىمنىڭ قاشىپ قۇتىلا المايتىنىنىڭ تاعى ءبىر دالەلى.
پوليتسيا دەپارتامەنتى ازاماتتاردى قىراعىلىق تانىتىپ، قۇقىق بۇزۋشىلىقتىڭ العاشقى بەلگىلەرىن بايقاساڭىز، دەرەۋ “102” نومىرىنە حابارلاۋعا شاقىرادى. قوعامداعى ءتارتىپ پەن زاڭدىلىق – تەك قۇقىق قورعاۋ ورگاندارىنىڭ عانا ەمەس، بارشا ازاماتتاردىڭ ورتاق ءىسى ەكەنىن ەسكە سالادى.
قازاقستان رەسپۋبليكاسى كونستيتۋتسياسىنىڭ جانە قىلمىستىق زاڭنامانىڭ تالاپتارىنا ساي، كەز كەلگەن كاسىپكەردىڭ قاۋىپسىز ورتادا جۇمىس ىستەۋگە تولىق قۇقىعى بار. كاسىپكەرلىككە جاسالاتىن قىسىم – بۇل تەك بيزنەسكە عانا ەمەس، ەلدىڭ ەكونوميكالىق تۇراقتىلىعىنا تونگەن قاۋىپ. سوندىقتان دا مەملەكەت تاراپىنان مۇنداي زاڭسىز ارەكەتتەرگە مۇلدەم توزبەۋشىلىك قاعيداتى بەرىك ۇستانىلۋدا.
ىشكى ىستەر مينيسترلىگى مەن ونىڭ اۋماقتىق قۇرىلىمدارى ۇيىمداسقان قىلمىسپەن ىمىراسىز كۇرەس جۇرگىزۋدى جالعاستىرا بەرەدى. “زاڭ مەن ءتارتىپ” – تەك ۇران ەمەس، بۇل – قوعامنىڭ دامۋىنا نەگىز بولاتىن باستى پرينتسيپتەردىڭ ءبىرى.
