ساتباەۆ قالاسىندا كولىك جۇرگىزۋشىسى تىرىدەي جانىپ كەتتى

3231
Adyrna.kz Telegram
فوتو: ۆيدەودان الىندى
فوتو: ۆيدەودان الىندى

ساتباەۆ قالاسىندا جول-كولىك وقيعاسى سالدارىنان كولىك ورتەنىپ، جۇرگىزۋشى وقيعا ورنىندا قازا تاپتى. الەۋمەتتىك جەلىدە ورتەنىپ جاتقان كولىكتىڭ ۆيدەوسى پايدا بولدى، دەپ حابارلايدى “ادىرنا” ۇلتتىق پورتالى.

ۇلىتاۋ وبلىستىق پوليتسيا دەپارتامەنتىنىڭ مالىمەتىنشە، قايعىلى وقيعا 25 قازاندا جەزقازعان – ەسىل – پەتروپاۆل تاسجولىندا ساتباەۆتان جەزقازعان قالاسىنا شىعا بەرىستە بولعان.

«الدىن الا مالىمەت بويىنشا، «مەرسەدەس» كولىگىنىڭ 58 جاستاعى جۇرگىزۋشىسى رولگە يە بولا الماي، قالا اتاۋى جازىلعان اركاعا سوعىلعان. جول-كولىك وقيعاسى كەزىندە كولىك ورتەنىپ، جۇرگىزۋشى وقيعا ورنىندا قازا تاپتى»، - دەلىنگەن حابارلامادا.

اتالعان دەرەك پوليتسيادا تىركەلىپ، ءتيىستى ساراپتامالار تاعايىندالدى. قازىرگى كەزدە تەرگەۋ امالدارى جۇرگىزىلىپ جاتىر.

 

 

پىكىرلەر