جەزقازعان قالاسىنداعى مۇناي بازالارىنىڭ بىرىندە جارىلىس بولىپ، ارتىنان ءىرى ءورت ورىن الدى، دەپ حابارلايدى "ادىرنا" ۇلتتىق پورتالى توتەنشە جاعدايلار مينيسترلىگىنىڭ ءباسپاسوز قىزمەتىنە سىلتەپ.
ءورت ءسوندىرۋ بولىمشەلەرى كەلگەنگە دەيىن گاز-اۋا قاسپاسى جارىلىپ، انگار قابىرعالارى قيراعان.
"جەزقازعانداعى مۇناي بازاسىنىڭ اۋماعىندا ارنايى ماقساتتاعى ءۇش اۆتوكولىك ورتكە وراندى. ءورت سوندىرۋشىلەر كەلگەنگە دەيىن گاز-اۋا قوسپاسىنىڭ جارىلىسى بولىپ، انگاردىڭ قابىرعالارى قيرادى.
وقيعا ورنىندا قۇرىلعان جەدەل شتاب ستراتەگيالىق شەشىم قابىلداپ، وتىن ساقتالعان كورشىلەس رەزەرۆۋاردى سۋىتۋ ارقىلى ونى قورعاۋ ءۇشىن ءبىر توپتى جىبەردى. ءورت سوندىرۋشىلەر اۆتوتسيستەرنالاردى ءورت شىققان جەرگە جاقىن ورنالاسقان ءورت گيدرانتتارىنا قويىپ، كوبىك شابۋىلىنىڭ كومەگىمەن ءورتتى ءسوندىردى", - دەلىنگەن تجم حابارلاماسىندا.
ءورت 100 شارشى مەتر اۋماققا تارالعان.
ءورت سالدارىنان مۇناي بازاسىنىڭ ءتورت قىزمەتكەرى ءتۇرلى جاراقات الىپ، اۋرۋحاناعا جاتقىزىلدى. ولاردىڭ جاعدايى تۋرالى اقپارات جاريالانبادى.
