Ūlytau oblysynda qūqyq qorǧau organdary tarapynan ūiymdasqan qylmysqa qarsy baǧyttalǧan naqty ıs-şaralar jürgızılıp keledı. Būl şaralar elımızde qylmystyŋ aldyn aluǧa, qoǧamda qauıpsızdık pen tūraqtylyqty qamtamasyz etuge baǧyttalǧan “Zaŋ men tärtıp” tūjyrymdamasyn jüzege asyru aiasynda ıske asyryluda.
Soŋǧy kezderı Jezqazǧan qalasynda şaǧyn jäne orta biznes ielerıne qysym körsetu, olardan zaŋsyz aqşa talap etu faktılerı tırkele bastaǧan. Osyǧan bailanysty, Ūlytau oblysy polisiia departamentınıŋ ūiymdasqan qylmysqa qarsy küres basqarmasy arnaiy jedel-ızdestıru ıs-şarasyn jürgızıp, nätijesınde Jezqazǧan qalasynyŋ ekı tūrǧynyn ūstady. Olar şaǧyn jäne orta käsıpkerlık subektılerın qorqytyp-ürkıtıp, 6 million teŋge kölemınde aqşa bopsalaǧan degen küdıkke ılıngen.
Küdıktıler öz äreketterın aşyq türde, küş qoldanu arqyly jüzege asyrmaq bolǧan. Olardyŋ maqsaty – biznestı kriminaldyq baqylauǧa alyp, tabys közıne ainaldyru. Būl äreketterı memleketımızde zaŋsyz dep tanylyp, auyr qylmys retınde baǧalanady.
Tergeu barysynda küdıktılerden aiǧaqty zattar tärkılenıp, ıstıŋ män-jaiyn tolyq anyqtau üşın keşendı tergeu amaldary bastaldy. Qazırgı taŋda sottyŋ sanksiiasymen küdıktıler tergeu izoliatoryna qamaldy. Būl – zaŋ aldynda jauapkerşılıkten eşkımnıŋ qaşyp qūtyla almaitynynyŋ taǧy bır dälelı.
Polisiia departamentı azamattardy qyraǧylyq tanytyp, qūqyq būzuşylyqtyŋ alǧaşqy belgılerın baiqasaŋyz, dereu “102” nömırıne habarlauǧa şaqyrady. Qoǧamdaǧy tärtıp pen zaŋdylyq – tek qūqyq qorǧau organdarynyŋ ǧana emes, barşa azamattardyŋ ortaq ısı ekenın eske salady.
Qazaqstan Respublikasy Konstitusiiasynyŋ jäne qylmystyq zaŋnamanyŋ talaptaryna sai, kez kelgen käsıpkerdıŋ qauıpsız ortada jūmys ısteuge tolyq qūqyǧy bar. Käsıpkerlıkke jasalatyn qysym – būl tek bizneske ǧana emes, eldıŋ ekonomikalyq tūraqtylyǧyna töngen qauıp. Sondyqtan da memleket tarapynan mūndai zaŋsyz äreketterge müldem tözbeuşılık qaǧidaty berık ūstanyluda.
Işkı ıster ministrlıgı men onyŋ aumaqtyq qūrylymdary ūiymdasqan qylmyspen ymyrasyz küres jürgızudı jalǧastyra beredı. “Zaŋ men tärtıp” – tek ūran emes, būl – qoǧamnyŋ damuyna negız bolatyn basty prinsipterdıŋ bırı.
