اتىراۋ وبلىسىندا العاش رەت حالىقارالىق دەڭگەيدەگى مادەني جانە تۋريستىك شارا — “Lotus Fest-2025” فەستيۆالى ءوز جۇمىسىن باستادى، دەپ حابارلايدى "ادىرنا" ۇلتتىق پورتالى.
ەرەكشە ءىس-شارا قۇرمانعازى اۋدانى، تەڭىز اۋىلىندا ءوتىپ جاتىر جانە 26 تامىزعا دەيىن جالعاسادى.
فەستيۆالدىڭ باستى ماقساتى — تابيعات پەن ۇلتتىق رۋحانياتتى ۇشتاستىرا وتىرىپ، ءوڭىردىڭ تۋريستىك الەۋەتىن ارتتىرۋ.
قۇرمانعازى اۋدانى — لوتوس گۇلدەرى تابيعي تۇردە وسەتىن ەلىمىزدەگى جالعىز ايماق. بۇل جاراتىلىستىڭ عاجايىپ كورىنىسىن تاماشالاۋ ءۇشىن كەلگەن قوناقتار قايىقپەن سۋ بەتىندە سەرۋەندەپ، ەستەلىك سۋرەتكە ءتۇسىپ، ەرەكشە اسەر الۋدا.
ءىس-شارا اياسىندا ارنايى ۇلتتىق جارمەڭكە ۇيىمداستىرىلىپ، وندا كەلۋشىلەر قازاقتىڭ قولونەر بۇيىمدارى مەن ءداستۇرلى تاعامدارىمەن تانىسىپ، ءدام تاتا الادى. شاراعا قاتىسۋشىلار فەستيۆالدىڭ تابيعاتپەن، مادەنيەتپەن جانە ۇلتتىق ناقىشپەن ۇيلەسىم تاپقانىن ەرەكشە اتاپ وتۋدە.
“Lotus Fest-2025” — اتىراۋ ءوڭىرىن جاڭا قىرىنان تانىتاتىن، ەكوتۋريزم مەن مادەني مۇرانى قاتار ناسيحاتتايتىن ماڭىزدى جوبا رەتىندە باعالانۋدا
