اتىراۋدا 4 كولىك سوقتىعىسىپ، 2 ادام كوز جۇمدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
وقيعا 15 شىلدە كۇنى ساعات 15:25 شاماسىندا بولعان.
اتىراۋ قالاسىنداعى م.بايمۇحانوۆ كوشەسىندە 4 اۆتوكولىك سوقتىعىستى. ءتورت اۆتوكولىكتىڭ ەكەۋى – جولاۋشىلار تاسىمالدايتىن «Daewoo» جانە «Youtong» ماركالى اۆتوبۋس. ەكەۋى – Toyota Camry جانە Hyundai Elantra ماركالى كولىكتەر. جول اپاتىنىڭ سالدارىنان Hyundai Elantra اۆتوكولىگىنىڭ جۇرگىزۋشىسى مەن جولاۋشىسى وقيعا ورنىندا قايتىس بولدى. كامەلەتكە تولماعان ءجاسوسپىرىم جولاۋشى وبلىستىق بالالار اۋرۋحاناسىنا جەتكىزىلدى. وزگە كولىك قۇرالدارىنىڭ جولاۋشىلارىنا جەدەل-جاردەم قىزمەتكەرلەرى مەديتسينالىق كومەك كورسەتتى، -دەلىنگەن حابارلامادا.
قازىرگى ۋاقىتتا ءتيىستى تەرگەۋ امالدارى جۇرگىزىلىپ،ءىس قۇجاتتارى جيناقتالىپ جاتىر.
