اتىراۋ قالاسىنداعى ەرلەر كولونياسىندا سوتتالعاندار اراسىندا بولعان جانجال ادام ولىمىنە اكەلدى، دەپ حابارلايدى "ادىرنا" ۇلتتىق پورتالى.
وقيعا 22 ناۋرىز كۇنى تۇزەتۋ مەكەمەسىندە تىركەلگەن.
الدىن الا مالىمەت بويىنشا، سوتتالعاندار اراسىنداعى سوزگە كەلىسپەۋشىلىك توبەلەسكە ۇلاسىپ، ءبىر ادام اۋىر جاراقات العان.
«22 ناۋرىزدا اتىراۋ قالاسىنداعى تۇزەتۋ مەكەمەسىندە سوتتالعاندار اراسىندا جانجال ورىن الىپ، سونىڭ سالدارىنان ءبىر ادام العان دەنە جاراقاتتارىنان قايتىس بولدى»، – دەپ حابارلادى اتىراۋ وبلىستىق پوليتسيا دەپارتامەنتى.
اتالعان دەرەك بويىنشا قىلمىستىق ءىس قوزعالدى. قازىرگى ۋاقىتتا وقيعانىڭ بارلىق ءمان-جايىن انىقتاۋ ماقساتىندا تەرگەۋ امالدارى جۇرگىزىلىپ جاتىر.
ۇقساس جاڭالىقتار
