اتىراۋلىق پوليتسەيلەر شەتەلدىك ازاماتقا اياۋسىز زورلىق-زومبىلىق كورسەتكەن بوپسالاۋشىلار توبىن قۇرىقتادى، دەپ حابارلايدى «ادىرنا» ۇلتتىق پورتالى.
پوليتسيانىڭ رەسمي اقپاراتىنا سايكەس، ەكى ەر ادام وزبەكستاننىڭ 30 جاستاعى ازاماتىن پاتەرلەردىڭ بىرىندە زاڭسىز ۇستاعان. قىلمىسكەرلەر جابىرلەنۋشىگە فيزيكالىق زورلىق-زومبىلىق كورسەتىپ، ودان 1,1 ميلليون تەڭگە تالاپ ەتكەن.
«ءتۇرلى دەنە جاراقاتىن العان شەتەلدىك اۋىر حالدە اۋرۋحاناعا جەتكىزىلدى»، - دەپ حابارلادى پوليتسيا.
پوليتسەيلەر جەدەل تۇردە 1987 جانە 1991 جىلعى ەكى كۇدىكتىنى ۇستادى. ولاردىڭ ءبىرى وزبەكستان ازاماتى بولسا، ەكىنشىسى قازاقستان ازاماتى.
«كۇدىكتىلەر ۋاقىتشا ۇستاۋ يزولياتورىنا قامالدى، قازىرگى ۋاقىتتا قر 194-بابىنىڭ 2-بولىگى «ادامدار توبىنىڭ بوپسالاۋى» جانە 126-بابىنىڭ 2-بولىگى «قىزمەتتىك قۇقىعىنان زاڭسىز ايىرۋ» بويىنشا سوتقا دەيىنگى تەرگەۋ باستالدى. كۇدىكتىلەرگە قاتىستى «قاماۋ» تۇرىندەگى بۇلتارتپاۋ شاراسى قولدانىلدى»، - دەپ قورىتىندىلادى پوليتسيادا.
«ادىرنا» ۇلتتىق پورتالى
